BALLADE LXI

SLR LA MORT DE LA DUCHESSE P.'oRLKANS.

Je me souloye pourpenser Au commencement de l'année, Quel don je pourroye donner A madame, la bien amée.

Or suis hors de ceste pensée :

Car Mort l'a mise soubz la lame, Et l'a hors de ce monde ostée.

Je pry à Dieu qu'il en ait L'âme!

Non pourtant : pour tousjours garder La coustume que j'ay usée, Et pour à toutes gens monstre r Que pas n'ay madame oubliée, De messes je l'ay estrénée :

Car ce me seroit trop de blasme

De l'oublier ceste journée.

Je pry à Dieu qu'il en ait Famé!

Tellement luy puist proumter Ma prière, que confortée Soit son âme sans point tarder, Et de ses bienfais guerdonnée En paradis, et couronnée Comme la plus loyalle dame Qu'en son vivant j'aye trouvée.

Je pry à Dieu qu'il en ait l'âme!

Quant je pense à la renommée Des grans biens dont estoit parée, Mon poure cueur de dueil se pasme :

De luy souvent est regretée.

Je pry à Dieu qu'il en ait l'âme!

BALLADE LXIL