SUR LA MORT DE LA DUCHESSE D'ORLÉANS

Quant Souvenir me ramentoit

La grant beauté dont estoit plaine,

Celle que mon cueur appelloit . '

Sa seule dame souveraine,

De tous biens la vraye fontaine,

Qui est morte nouvellement,

Je dy en pleurant tendrement :

Ce monde n'est que chose vaine.

Ou vieil temps, grant renom couroit De Criséis, de Yseud et Elaine (24), Et maintes autres qu'on nommoit Parfaictes en beauté haultaine.

Mais au derrain, en son domaine

La Mort les prist piteusement.

Par quoy puis véoir clèrement :

Ce monde n'est que chose vaine.

La mort a voulu et vouldroit Bien le congnois, mettre sa paine De destruire, s'elle povoit, Lyesse et Plaisance-mondaine, Quant tans de belles dames maine Hors du monde : car vrayement Sans elles, à mon jugement, Ce monde n'est que chose vaine.

Amours, pour vérité certaine, Mort vous guerrie fellement ; Se n'y trouvez amendement Ce monde n'est que chose vaine.