BALLADE LXV

En la forest d'ennuyeuse Tristesse,

Un jour m'avilit qu'à par moy cheminoye;

Si rencontra v l'amoureuse déesse

Qui m'appella, demandant où j'aloye, Je respondy que par fortune estoye Mis en esil, en ce bois longtemps a.

Et qu'à bon droit appeller me povoye L'omme esgaré qui ne scet où il va

En sousriant, par sa très grant humblesse Me respondy : « Amy, se je sçavoye Pourquoy tu es mis en ceste destresse, A mon povoir voulentiers t'aideroye :

Car ja pieça je mis ton cueur en voye De tout plaisir ; ne sçay qui l'en osta : Or me desplaist qu'à présent je te voye L'omme esgaré qui ne scet où il \a. »

— « Hélas! dis-je, souverainne princesse. Mon fait sçavez ; pourquoy le vous diroye. C'est par la mort, qui fait à tous rudesse, Qui m'a tollu celle que tant aruoye. En qui estoit tout l'espoir que j'avoye. Qui me guidoit, si bien m'acompaigna En son vivant, que point ne me trou voye L'omme esgaré qui ne scet où il va. »

Aveugle suy, ne sçay où aler doye; De mon baston, affin que je forvoye, Je vais tastant mon chemin çà et là.

C'est grant pitié qu'il convient que je soye L'omme esgaré qui ne scet où il va.

BALLADE LXVL

J'ay esté de la compaignie

Des amoureux moult longuement,

Et m'a Amour, dont le mercie,

Donné de ses biens largement ; Mais au derrain, ne sçay comment.

Mon fait est venu au contraire, Et, à parler ouvertement :

Tout est rompu, c'est à reffaire.

Certes, je ne cuidoye mie Qu'en amer eust tel changement; Car chascun dit que c'est la vie Où il a plus d'esbatement.

Hélas! j'ay trouvé autrement:

Car quant, en l'amoureux repaire.

Cuidoye vivre seurement, Tout est rompu, c'est à reffaire.

Au fort, en Amour je m'affie:

Qui m'aidera aucunement Pour l'amour de sa seigneurie, Que j'ay servie loyaument.

A'oncques ne fis, par mon serement, Chose qui luy doye desplaire; Et non pourtant estrangemenl. Tout est rompu, c'est à reffaire.

Amour, ordonnez tellement Que j'aye cause de me taire, Sans plus dire de cueur dolent :

Tout est rompu, c'est à reffaire.