BALLADE LXVII

Plaisant-beauté mon cueur nasvra, Jà pieçà, si très durement, Qu'en la hèvre d'amours entra, Qui l'a tenu moult asprement :

Mais de nouvel, présentement.

Un bon médecin, qu'on appelle ^Sonchaloir, que tiens pour amy, Ma guéry, la sienne mercy '27/, Se la playe ne renouvelle.

Quant mon cueur tout sain se trouva,

Il l'en mercia grandement.

Et humblement lui demanda

S'en santé seroit longuement.

Il respondy très sagement :

« Mais que gardes bien ta fourcelle

Du vent d'Amours, qui te féry.

Tu es en bon point jusqu'à cy,

Se la playe ne renouvelle.

L'embusche de Plaisir entra Parmy tes yeulx, soutivement.

Jeunesse ce mal pourchassa, Qui t'a voit en gouvernement, Et puis bouta privéement Dedens ton logis l'estincelle D'Àrdant-desir, qui tout ardy.

Lors fus nasvré : or t'a y guéry.

Se la playe ne renouvelle. »

BALLADE LXYIIL

Le beau souleil, le jour Saint-Val entin. Qui apportoit sa chandelle alumée, IN 'a pas longtemps, entra un bien matin Privéement en ma chambre fermée.

Celle clarté qu'il avoit apportée Si m'esveilla du somme de Sonssy

Où j'avoye toute la nuit dormy, Sur le dur lit d'Ennuieuse-pensée.

Ce jour, aussy, pour partir leur butin Des biens d'Amours faisoient assemblée Tous les oyseaulx, qui, parlans leur latin. Crioyent fort, demandans la livrée Que nature leur avoit ordonnée.

C'estoit d'un per, comme chascun chois\ ; Si ne me peu rendormir pour leur cry, Sur le dur lit d'Ennuieuse-pensée.

Lors, en moilliant de larmes mon coissin.

Je regretta y ma dure destinée,

Disant: « Oyseaulx, je vous voy en chemin

De tout plaisir et joye désirée;

Chascun de vous a per qui luy agrée,

Et point n'en ay : car mort, qui m'a tràhy,

A prins mon per, dont en dueil je languv

Sur le dur lit d'Ennuieuse-pensée. »

Saint-Valentin choisissent ceste année Ceulx et celles de l'amoureux party; Seul me tendray de confort desgarny, Sur le dur lit d'Ennuieuse-pensée.