TESTAMENT ALLÉGORIQUE DU DUC D'ORLÉANS

Puisque mort a prins ma maistresse Que sur toutes amer souloye, Mourir me convient en tristesse.

Certes plus vivre ne pourroye.

Pour ce, par deffaulte de joye, Très malade, mon testament J'ay mis en escript doloreux, Lequel je présente humblement Devant tous loyaulx amoureux.

Premièrement à la haultesse Du dieu d'Amours donne et envoyé Mon esperit; et en humblesse Lui supplie qu'il le convoyé En son paradis et pourvoye :

Car je jure que loyaument L'a servi de vueil désireux.

Advouer le puis vrayement, Devant tous loyaulx amoureux.

Oultre plus, vueil que la richesse Des biens d'Amours qu'avoir souloye, Départie soit à largesse A vrais amans ; et ne vouldroye Que faulx amans, par nulle voye, En eussent part aucunement.

Oncques n'euz amistié à eulx :

Je le prans sur mon sauvement, Devant tous loyaulx amoureux.

Sans espargnier or ne monnoye, Loyauté veult qu'enterré soye En sa chappelle grandement;

Dont je me tiens pour biens eureux El l'en mercie clnèrement.

Devant tous lovaulx amoureux.