SUR LES OBSÈQUES DE LA DUCHESSE D'ORLÉANS

J'ay fait Pobsèque de madame Dedens le moustier amoureux, Et le service pour son ame A chanté Penser-doloreux.

Mains sierges de Souspirs-piteu\ Ont esté en son luminaire,

Aussy j'ay fait la tombe faire De regretz, tous de larmes paints.

Et tout entour moult richement Est escript : « Cy gist vrayement Le trésor de tous biens mondains. »

Dessus elle gist une lame Faicte d'or et de saffirs bleux ; Car saffir est nommé la jame De loyauté et l'or eureux.

Bien lui appertiennent ces deux :

Car eur et loyauté pourtraire Voulu en la très débonnaire Dieu qui la fist de ses deux mains Et forma merveilleusement; C'estoit à parler plainnement Le trésor de tous biens mondains.

N'en parlons plus, mon cueur se pasme Quant il oyt les fais vertueux D'elle, qui estoit, sans nul blasme, Comme jurent celles et ceulx Qui congnoissoyent ses conseulx.

Si croy que Dieu l'a voulu traire Vers lui, pour parer son repaire De paradis, où sont les saints :

Car c'est d'elle bel parement Que l'en nommoit communément Le trésor de tous biens mondains.

De riens ne servent plours ne plains : Tous mourrons ou tard ou briefment, Nul ne puet garder longuement Le trésor de tous biens mondains.