BALLADE LXXV
En acquittant nostre temps vers jeunesse, Le nouvel an et la saison jolie, Plains de plaisir et de toute liesse, Qui chascun d'eulx chiérement nous en prie, Venues sommes en ceste mommerie, Belles, bonnes, plaisans et gracieuses, Prestes de dancer et faire chière lie Pour resveillier voz pensées joyeuses.
Or, bannissiez de vous toute peresse, Ennuy, Soussy, avec Mérencolie ; Car froit y ver, qui ne veult que rudesse, Est desconfit et convient qu'il s'enfuye : Avril et may amainent doulce vie Avecques eulx. Pour ce, soiez soingneuses De recevoir leur plaisant compaignie, Pour resveillier voz pensées joyeuses.
Vénus aussy, la très noble déesse, Qui sur femmes doit avoir la maislrie, Vous envoyé de confort à largesse Et Plaisance de grans biens enrichie :
En vous chargeant que de vostre partie Vous acquittiez, sans estre dangereuses.
Aidier vous veult, sans que point vous oublie, Pour resveillier voz pensées joyeuses.
BALLADE LXXVL
Bien monstrez, printemps gracieux, De quel mestier seavez servir; Car yver fait cueurs ennuyeux Et vous les faictes resjoùir.
Si tost comme il vous voil venir, Lui et sa meschant retenue,.
Sont contrains et prestz de fuir A vostre joyeuse venue.
Yver fait champs et arbres vieulx, Leur barbe de neige blanchir, Et est si froid, ord3 et pluvieux Qu'emprès le feu convient croupir.
On ne puet hors des huis yssir, Comme un oiseil qui est en mue ; Mais vous faictes tout rajeunir A vostre joyeuse venue.
Yver fait le souleil, es cieulx, Du mantel des nues couvrir :
Or, maintenant, loué soit Dieux ï Vous estes venu esclersir Toutes choses et embellir.
Yver a sa peine perdue .
Car Tan nouvel La fait bannir, A vostre joyeuse venue.
ROXDEL XIV.
Le temps a laissié son manteau De vent, de froidure et de pluye, Et s'est vestu de broderve.
De soleil raiant, cler et beau.
Il n'y a beste ne oiseau
Qui en son jargon ne chante ou crye ;
Le temps a laissié son manteau.
Rivière, fontaine et ruisseau Portent en livrée jolye Goultes d'argent d'orfaverie; Chascun s'abille de nouveau, Le temps a laissié son manteau.
En regardant ces belles fleurs,
Que le temps nouveau d'amours prie,
Chascune d'elles s ajolie
Et farde de plaisans couleurs.
Quant embosmées sont d'odeurs, Qu'il n'est cueur qui ne rajeunie, En regardant ces belles fleurs, etc.
Les oyscaux deviennent danceurs Dessus mainte branche fleurie, Et font joyeuse chanterie De contres de chans et teneurs, En regardant ces belles fleurs.
Retraiez-vous, regart mal avisé, Vous cuidez bien que nulluy ne vous voye; Certes Aguet, par tous lieux vous convoyé, Privéement en habit desguisé.
De gens saichans eu estes moins prise. D'ainsi tousjours trotter parmi la voye ; Retraiez-vous regart mal avisé.
Vous cuidez bien que nulluy ne vous voye,
Dangier avez contre vous atisé Quant Sot-mentien tellement vous forvoye : Au derrenier fauldra qu'il y pourvoye.
Il est ainsi que je l'ay devisé :
Retraiez-vous regart mal avisé.
Regart, vous prenez trop de paine, Tousjours courez et racourez; Il semble qu'aux barres jouez :
Reprenez ung peu vostre alaine.
Cueurs qu'Amours tient en son demaine Cuident qu'assaillir les voulez ; Regart, vous prenez trop de paine, Tousjours courez et racourez,
Au moins une fois la sepmaine C'est raison que vous reposez ; Et afm que ne morfondez, Il fauldra que l'en vous pourmaine :
Regart, vous prenez trop de paine.
Gardez le trait de la fenestre Amans, qui par ruez passez
Car plus tost en serez blessez Que de trait d'arc ou d'arbalestre.
N'allez à destre ne à senestre Regardant; mais les yeulx baissez :
Gardez le trait de la fenestre.
Se n'avez médicin bon maistre
Se tost que vous serez navrez
A Dieu soyez recommandez.
Mors vous tiens; demandez le prestre :
Gardez le trait de la fenestre.
Des malheureux porte le pris, Servant dame loyalle et belle Qui pour mourir en la querelle N'aschève ce qu'a entrepris.
Diffamé de droit et repris
Par devant dame et damoisellc ;
Des maleureux porte le pris, etc.
Pourquoy est d'amer si espris ?
Quant congnoit que son cueur chancelle
En soy donnant repreuve telle.
Ou a-yl ce mestier apris?
Des maleureux porte le pris.
En gibessant toute Paprès-disnée Parmy les champs, pour me desennuyer,
N'a pas longtems que faisoye l'autrier.
Voler mon cueur après mainte pensée.
L'aquilote, Souvenance nommée, Sourdoit déduit et sçavoit remerckier.
En gibessant toute l'après-disnée, etc.
Gibessière de passe-temps ouvrée, Emply toute d'assez plaisant gibier, Et puis je peu mon cueur au derrenier Sur ung faisan d'espérance celée, En gibessant toute l'après-disnée.
ROXDEL XXE
Cueur endormy en pensée.
En transes moitié veillant, L'on luy va riens demandant Il respond à la volée.
Et parle de vois cassée
Sans porpos, ne tant que quant,
Cueur endormy en pensée, etc.
Tout met en galimal'rée Lombars, Anglois, Alemant, François, Picart et X or niant ; C'est une chose faée, Cueur endormi eu pensée.
ROXDEL XXI E
Mon cueur plus ne volera , Il est ènchaperonné;
N onchaloir l'a ordonné , Qui ja pieça le m'osta.
Confort depuis ne luy a ,
Cure ne a tirer donné ,
Mon cueur plus ne volera, etc.
Se sa gorge gettera , Je ne seay; car gouverné Ne l'ay, mais abandonné ; Soit coin advenir pourra , Mon cueur plus ne volera.
A ce jour Saint- Valentin , Que chascun doit choisir son per, Amours demourray-je non per?
Sans partir à vostre butin.
A mon resveillier , au matin , Je n'y ay cessé de penser, A ce jour Saint- Valentin, etc.
Mais i\ onchaloir, mon médecin, M'est venu le poulse taster , Qui m'a conseillié reposer, Et rendormir sur (34) mon coussin A ce jour Saint- Valentin .
J'ay esté poursuivant d'amours, Mais maintenant je suis hérault ;
Monter me fault en l'eschafault Pour jugier des amoureux tours.
Quant je verray riens à rebours, Dieu scet se je crieray bien hault:
J'ay esté poursuivant d'amours, etc.
Et s'amans vont faisant les lours , Tantost congnoistray leur deffault, Ja devant mon clochier ne fault; D'amer sçay par cueur le droit cours , J'ay esté poursuivant d'amours.
Soubz parler couvert D'estrange devise, Monstrez qu'avez prise Douleur. Il y pert.
Du tout en désert
N'est pas vostre emprise ,
Soubz parler couvert, etc.
Se Confort ouvert N'est a vostre guise , Tost, s'Amour s'avise, Sera recouvert, Soubz parler couvert.
Veu que j'ay tant amour servy, Ne suy-je pas mal guerdonné
Du plaisir qu'il m'avoit donné ?
Sans cause m'a tost desservy.
Mon cueur loyaument son serf vy ;
Mais à tort l'a abandonné ;
Veu que j'ay tant amour servy, etc.
Plus ne lui sera asservy ; Pour Dieu! qu'il me soit pardonné :
Te croy que suis à ce donné D'avoir mal pour bien desservy , Y eu que j'ay tant amour servy.
