BALLADE X

Fresche Beauté, très riche de jeunesse, Riant regard trait amoureusement.

Plaisant parler gouverné par sagesse.

Port femenin en corps bien fait et gent. Hauitain maintien démené doulcement.

Acueil humble, plain de manière lye.

Sans nul dangier bonne chière faisant.

Et de chascun pris et los emportant :

De ces grans biens est madame garnie.

Tant bien luy siet à la noble princesse Chanter, dancer et tout esbatement, Qu'on la nomme de ce faire maistresse.

Elle fait tout si gracieusement, Que nul ni scet trouver amandement :

L'escolle peut tenir de courtoisie ; En la voyant aprent qui est sachant, Et en ses fais qui va garde prenant : De ces grans biens est madame garnie.

Bonté, Honneur avecques gentillesse, Tiennent son cueur en leur gouvernement . Et Loyaulté nuit et jour ne la laysse. Nature mist tout son entendement A la former et faire proprement.

De point en point c'est la mieulx acomplie Oui au jour d'uy soit ou monde vivant. Je ne dy riens que tous ne vont disant : De ces grans biens est madame garnie.

Elle semble mieulx que femme déesse; Si croy que Dieu l'envoya seulement En ce monde, pour monstrer la largesse De ses haultz dons , qu'il a entièrement En elle mis abandonnéement.

Elle n'a per : plus ne seay que je die : Pour foui me tiens de l'aler devisant, Car moy, ne nul, n'est à ce souffisant: De ces grans biens est madame garnie.

S'il est aucun qui soit prins de tristesse, yoise veoir son douk mainténement, Je me fais fort que le mal qui le blesse Le laissera pour lors soudainement Et en oubly sera mis plainement.

C'est paradis que de sa compaignie, A tous complaist, à nul n'est ennuiant, Qui plus la voit plus en est désirant: De ces grans biens est madame garnie.

Toutes dames qui oyez-cy comment Prise celle que j'ayme loyaument, Ne m'en sachiez maugré, je vous en prie; Je ne parle pas en vous desprisant, Mais comme sien je di en m'aquiltant : De ces grans biens est madame garnie.