BALLADE IX

Mon cueur m'a fait commandement De venir vers vostre jeunesse, Belle que j'ayme loyaument, Comme doy faire ma princesse.

— Se vous demandez pour quoy esse?

— C'est pour savoir quant vous plaira Allegier sa dure destresse :

Madame le sauray-je jà?

Ditez ley, par vostre serement, Je vous fais loyale promesse Nul ne le saura, seulement Fors que luy, pour avoir léesse.

Or luy monstrez qu'estes maistresse, Et luy mandez qu'il guérira, Ou s'il doit mourir de destresse , Madame le sauray-je jà?

Penser ne pourroit nullement Que la douleur qui tant le blesse Ne vous desplaise aucunement:

Or faictes donc tant qu'elle cesse Et le remettes en l'adresse D'Espoir, dont il party piéca.

Respondez sans que plus vous presse :

Madame le sauray-je jà ?