BALLADE XCVI

AU DUC DE BOURGOIG.NE

Puisque je suis vostre voisin

En ce pais, présentement,

Mon coinpaignons, fraire et cousin,

Je vous requier très chièrement

Que de votre gouvernement

Et estât me faittes sçavoir :

Car j'en orroye bien souvent,

S'il en estoit à mon vouloir.

Il n'est jour, ne soir, ne matin, Que ne prie Dieu humblement Que la paix prengne telle fin, Que je puisse joyeusement A mon désir prochainement Parler à vous et vous véoir :

Ce seroit très hastivement, S'il en estoit à mon vouloir.

Chascun doit estre bien enclin Vers la paix : car certainement Elle départira butin De grans biens à tous largement.

Guerre ne sert que de tourment :

Je la hé, pour dire le voir; Bannie seroit plainnement S'il en estoit à mon vouloir.

Va ma balade prestement A Saint-Omer, monstrant comment Tu vas pour moy ramentevoir Au duc, à qui suis loyaument; Et tout à son commandement, S'il en estoit à mon vouloir (4'5;.

BALLADE XCVIL

AU DUC DE BOURGOIGNE

Pour le haste de mon passaige Qu'il me convient faire oultre mer, Tout ce que j'ay en mon couraige A présent ne vous puis mander ; Mais non pourtant, à brief parler.

De la balade que m'avez Envoyée (45) comme sçavez Touchant paix et ma délivrance, Je vous mercie chiè rement Comme tout vostre entièrement De cueur, de corps et de puissance.

Je vous envoyeray messaige,

Se Dieu plaist, briefment sans tarder.

Loyal, secret, et assez saige,

Pour bien à pjain vous informer

De tout ce que pourray trouver

Sur ce que sçavoir desirez.

Pareillement fault que mettez

Et laictes, vers la part de France,

Diligence soingneusement,

Je vous en requier humblement

De cueur, de corps et de puissance.

Et sans plus despendre langage A courts mots, plaise vous penser Que vous laisse mon cueur en gage Pour tousiours, sans jamais faulser.

Si me vueilliez recommander A ma cousine : car croyez Que en vous deux tant que v vrez J'ay mise toute ma fiance, Et vostre party lova uni en t

Tendray, saDS faire changement, De cueur, de corps et de puissance.

Or y parra que vous ferez

Et se point ne m'oublierez ,

Ainsi que j'y ay espérance.

A Dieu vous dy présentement ,

Tout Bourgongnon sui vrayement

De cueur, de corps et de puissance (46).