BALLADE XCV

Mon chier cousin de bon cueur vous merci e Des blancs connins que vous m'avez donnez,

Et oultre plus pour vray vous certiffie (44); Quant aux connins que dictes qu'ay amez, Hz sont pour moy plusieurs ans passez Mis .en oubly, aussy mon instrument Qui les servoit a fait son testament Et est retrait et devenu hermite.

Il dort tousjours, à parler vrayement, Comme celluy qui en riens ne prouffite.

Ne parlez plus de ce, je vous en prie; Dieux ait 1 âme de tous les trespassez ! Parler vault mieulx pour faire chière lie De bons morceaulx et de f rians pastez ; Mais qu'ilz soient tous chaudement tastez : Pour le présent c'est bon esbatement Et qu'on ait vin pour nettier la dent. En char crue mon cueur ne se délicte : Oublions tout le vieil gouvernement, Gomme celluy qui en riens ne prouffite.

Quant jeunesse tient gens en seigneurie,

Les jeulx d'Amour sont grandement prisez ;

Mais Fortune qui m'a en sa baillie

Les a du tout de mon cueur desboutez,

Et désormais vous et moy excusez.

De telz esbas serons legièrement;

Car faiz avons noz devoirs grandement

Où temps passé, vers Amours me tiens quitte:

Je n'en vueil plus, mon cueur si s'en repent,

Comme celluy qui en riens ne prouffite.

Vieulx soudoiers avecques jeune gent Ne sont prisiez la valeur d'une milte : Mon office résigne plainement, Comme celluy qui en riens ne prouffite.