BALLADE G

AU DUC DE BOURGOIGNE \~

Beau fraire, je vous remercie , Car aidié m'avez grandement, Et ouitre plus vous certiffie Que j'ay mon fait entièrement.

Il ne me fault plus riens qu'argent Pour avancier tost mon passaige ; Et pour en avoir prestement Mettroye corps et ame en gage.

Il n'a marchant en Lombardie, S'il m'en prestoit présentement Que ne fusse, toute ma vie, Du cueur à son commandement :

Et tant que l'eusse fait content Demourer vouldroye en servaige, Sans espargnier aucunement Pour mettre corps et ame en gage.

Car se je suis en ma patrie

Et ouitre la mer franchement,

Dieu mercy point ne me soussie

Que n'aye des biens largement.

Et desserviray loyaument

A ceulx qui m'ont de bon couraige

Aidié, sans faillir nullement,

Pour mettre cueur et corps en gaigc.

m LES POÉSIES

Qui m'ostera de ce tourment, Il m'achètera plainement A tousjours-mes a héritage; Tout sien seray sans changement Pour mettre corps et âme en gage.