BALLADE CL

AU DUC DE BOURGOIGNE

Pour ce que je suis à présant Avec la gent vostre ennemie, Il fault que je face semblant Faignant que ne vous ayme mie.

Non pourtant, je vous certifiée Et vous pry que vueilliez penser Que je seray toute ma vie Yostre loyaument sans faulser.

Tous maulx de vous je voiz disant Pour aveugler leur faulse envie; Non pourtant, je vous ayme tant, Ainsi m'aid la vierge Marie, Que je pry Dieu qu'il me maudie Se ne trouvez au par aler Que vueil estre, quoy que nu die, Yostre loyaument sans faulser.

Faignez envers moy mal talant A celle hn que nul n'espie Nostre amour ; car, par ce faisant, Sauldray hors du mal qui m'ennuie ; Mais faictes que Bonne-foy lye Noz cueurs, qu'ilz ne puissent muer :

Car mon vouloir vers vous se plye Vostre loyaument sans faulser.

Vous et moy avons maint servant Que convoitise fort mestrie; II ne fault pas, ne tant ne quant, Qu'ilz saichent nostre compaignie ; Peu de nombre fault que manie Noz faiz secrets, par bien celer, Tant qu'il soit temps qu'on me public Vostre loyaument sans faulser.

Tout mon fait sçaurez plus avant Par le porteur en qui me fye ; Il est léal et bien saichant Et se garde de janglerie.

Créez-le de vostre partie En ce qu'il vous doit raconter, Et me tenez, je vous en prie, Vostre loyaument sans faulser.

Dieu me fière d'espidimie Et ma part es cieulx je renie, Se jamais vous povez trouver Que me faingne par tromperie Vostre loyaument sans faulser.