BALLADE CI Y

En tirant d'Orléans à Blois, L'autre jour, par eau (je) venoye ; Si rencontre par plusieurs fois Vaisseaux, ainsi que je passoye, Qui singloient leur droitte voye Ei aloient legïèrement, Pour ce qu'eurent comme véoye, A plaisir et à gré le vent.

Mon cueur, Penser et moy, nous trois Les regardasmes à grant joye.

Et dit mon cueur à basse vois :

Voulenliers en ce point seroye,

De Confort la voille tendroye, Se je cuidoye seurement Avoir, ainsi que je vouldroye, , A plaisir et à gré le vent.

Mais je treuve le plus des mois L'eaue de Fortune si quoye, Quant où bateau du monde vois., Que s'avirons d'Espoir n'avoye, Souvent en chemin demourroye, En trop grant ennuy longuement; Pour néant en vain attendroye A plaisir et à gré le vent !

Les nefz dont cy devant parloyc Montoient et je descendoyc Contre les vagues de tourment; Quant il luy plaira Dieu m'envoya A plaisir et à gré le vent !