AU DUC DE NEVERS

Pour paier vostre belle chère Laissez en gage vostre cueur, IVous le garderons en doulceur Tant que vous retournez arrière.

Contentez, car c'est la manière , Vostre hostesse, pour vostre honneur Pour paier vostre belle chère, etc.

Et se voiez nostre prière Estre trop plaine de rigueur, Changeons de cueur, c'est le meillieur

De voulenté bonne et entière Pour paier vostre belle chière [51).

CHANSON LYIIÏ.

Chascun dit qu'estes bonne et belle, Mais mon yeul juge n'en sera ; Car lignage m'aveuglera Qui maintendra vostre querelle.

Quant on parle de demoiselle Qui à largesse de biens a , Chascun dit qu'estes bonne et belle.

A nostre assemblée nouvelle Yerray ce qu'il m'en semblera, Et s'ainsi est, bien me plaira.

Or prenons que vous soiez telle :

Chascun dit qu'estes bonne et belle (52).

Comme j'oy que chascun devise, On n'est pas tousiours a sa guise , Beau chanter si ennuie bien, Jeu qui trop dure ne vault rien Tant va le pot a l'eau qui brise.

Il convient que trop parler nuise, Ce dit-on, et trop grater cuise; Riens ne demeure en un maintien, Comme j'oy que chascun devise.

Après chault temps vient vent de bise,

Après hucques robbe de frise, Le monde de passé revieu, A son vouloir joiie du sien • Tant entre gens laiz que d'église, Gomme j'oy que chascun devise.