BALLADE CV

Gomment voy-je ses Anglois esbahis,

Resjoys toy, franc royaume de France,

On apperçoit que de Dieu sont haïs

Puis qu'ilz n'ont plus couraige ni puissance.

Bien pensoient par leur oultrecuidance

Toy surmonter et tenir en servaige,

Et ont tenu à tort ton héritaige.

Mais à présent, Dieu pour toy se combat

Et se monstre du tout de ta partie ;

Leur grant orgueil entièrement abat

Et t'a rendu Guienne et Normandie.

Quant les Anglois as piéça envaïs

Riens n'y valloit ton sens ne ta vaillance.

Lors estoiesr ainsi que fut Thaïs

Pécheresse, qui pour faire penance

Enclouse fut par divine ordonnance.

Ainsi as-tu esté en reclusaige

De Desconfort et Doleur de couraige,

Et les Anglois menoient leur sabat

En grans pompes, baubans et tirannie :

Or a tourné Dieu ton dueil en esbat

Et t'a rendu Guienne et Normandie.

N'ont pas Anglois souvent leurs roys trahis : Gertes ouyl, tous en ont congnoissance; Et encore le roy de leur pais

Est maintenant en doubteuse balance.

D'en parler mal chascun Angïois s'avance; Assez monstrent par leur mauvais langage Que voulentiers lui feroient oultraige.

Qui sera roy entr'eulx est grant débat : Pour ce, France, que veulx-tu que te die, De sa verge Dieu les pugnist et bat Et t'a rendu Guienne et Normandie.

Roy des François, gangné as l'avantaige : Parfaiz ton jeu comme vaillant et saige. Maintenant l'as plus belle qu'au rabat : De ton bon eur, France, Dieu remercie, Fortune en bien avecques toy s'embat Et t'a rendu Guienne et Normandie (53).