VIDIMUS D'UNE OBLIGACION DE VAILLANT
A ceulx qui verront ces présentes, Le bailli d'Amoureux-espoir Salut : plain de bonnes ententes Mandons et faisons assavoir Que le tabellion Devoir, Juré des contra ux en amours, A veu nouvellement, à Tours, De Vaillant l'obligacion Entière, de bien vraye sorte :
Dont en fait la relacion, Ainsi que ce vidimus porte.
A double queue, par patentes, En cire vert, pour dire voir, Obligé, soubzmettant ses rentes, Cueur, corps et biens, sans décevoir, Soubz le seau d'autruy vouloir,
Pour recouvrer joyeulx secours
Qu'il a desservy par mains jours ;
Faisant ratifficacion,
Ledit notaire le rapporte
Par sa certifticacion,
Ainsi que ce vidimus porte.
Et deust-il mettre tout en ventes 7 Des biens qu'il pourra recevoir Veult paier ses debtes contentes, Tant qu'on pourra apparcevoir Qu'il fera trop plus que povoir, Combien qu'ait eu d'estranges tours Qui lui sont venuz au rebours.
En soit faitte informa c ion :
Car a Loyaulté se conforte Qu'en fera l'aprobacion Ainsi que ce vidimus porte.
Pour plus abréviacion De l'an et jour, je me déporte, On en voit déclaracion Ainsi que ce vidimus porte.
BALLADE CVIH (55).
Je cuide que ce sont nouvelles :
J'oy nouveau bruit, et qu'est-ce là ?
Hellas! pourray-je savoir d'elles Quelque chose qui me plaira ? Car j'ay désiré, longtemps a, Qu'Espoir m'estrangast de liesse.
Je ne sçay pas qu'il en fera, Le beau menteur plain de promesse,
S'il ne sont ou bonnes ou belles.
Au fort, mon cueur endurera,
En attendant (56} d'avoir de eelles
Que bon eur lui apportera;
Et de l'endormye beuvra
De Joncha loir, en sa destresse :
Espoir plus ne l'esveillera,
Le beau menteur plain de promesse.
Pour ce, mon cueur se tu me celles Reconfort, quant vers toy vendra, Tu feras mal : car tes querelles J'ay gardées, or y perra :
Adviengne qu'avenir pourra !
Je suis gouverné par \ieillesse, Qui de legier n'escoutera Le beau menteur plain de promesse.
Ma bouche plus n'en parlera.
Raison sera d'elle maistresse; 3Iais au derrain blasmé sera Le beau menteur plain de promesse .
