BALLADE C1X

N'a pas longtemps qu'escoutoye parler - Ung amoureux, qui disoit à sa mye : « De mon estât plaise vous ordonner Sans me laisser ainsi limer ma vie :

Je meurs pour vous, je le vous certime. » Lors respondit la plaisante aux doulx yeulx « Assez le croy, dont je vous remercie Que m'aymez bien, et vous encores mieulx.

Il ne faull jà vostre pousse tas'ter.

Fièvre n'avez que de mérencolie , Vostre orine ne aussi regarder ; Tost se garist légière maladie.

Médicine devez prendre d'oublié; D'autres ay veu trop pis en plusieurs lieu\ Que vous n'estes; et pour ce, je vous prie. Que m'aymez bien et vous encores mieulx.

Je ne vueil pas de ce vous destourber

Que ne m'aimez de vostre courtoisie;

Mais, que pour moy doyez mort endurer,

De le croire ce me seroil folie.

Pensez de vous et faictes chière lye :

J'en ay ouy parler assez de tieulx

Qui sont tous sains, quoy que point ne desnyc.

Que m'aymez bien et vous encores mieulx.

ïelz beaulx parlers ne sont en compaignie Qu'esbatemens entre jeunes et vieulx; Contente suis, combien que je m'en rye, Que m'aymez bien et vous encores mieulx. »