BALLADE CXI

Yeulx rougis, plains de piteux pleurs Fourcelle d'espoir reffroidie, Teste enrumée de douleurs Et troublée de frénésie, Corps perçus sans plaisance lie, Cueur du tout pausmé en rigueurs^ Voy souvent avoir à plusieurs Par le vent de Mérencolic,

Migraine de plaingnaus ardeurs, Transe de sommeil impartie, Fièvre frissonnans de nialeurs,.

Chault ardante en rêverie, Soif que confort ne rassasie, Dueil baigné en froides sueurs, Bégayant et changeant couleurs Par le vent de Mérencolie-

Toute tourmentant en langueurs- Colique de forcénerie, Gravelle de soings assailleurs, Raige de désirant folie, Anuys enflans d'ydropisie, Maulx éthiques aussi ailleurs Assourdissent les escouteurs.

Par le vent de Méreneolie.

Guérir ne se peut maladie

Par phisique ne cireurgie,

Astronomans, ne enchanteurs,

Des maulx que seuffrent poures cuèurs

Par le vent de Méreneolie.

BALLADE CXIL

Ce que Tueil despend en plaisir Le cueur Tachette chièrement; Et quand vient à compte tenir, Raison, président saigement, Demande pourquoy et comment Est despendue la richesse Dont Amours deppart largement Sans grant espargne de liesse.

Lors respond Amoureux-desir :

(( Amours me fist commandement De joyeuse vie servir Et obéir entièrement, Et s'ay failly aucunement On n'en doit blasmer que Jeunesse, Qui m'a fait ouvrer sotement Sans grant espargne de liesse.

Pas ne mourray sans repentir, Car je m'en repens grandement :

Trouvé m'y suis pis que martir, Souffrant maint doloureux tourment ; Désormais en gouvernement Me metz et es mains de Vieillesse :

Bien sçay qu'y vivray soub renient, Sans grant espargne de liesse.

Le temps passe comme le vent; Il n'est si beau jeu qui ne cesse :

En tout fault avoir finement Sans grant espargne de liesse. »