BALLADE CX

Ah! Dieu Amours où m'avez-vous logié ? Tout droit au trait de Désir et Plaisance, Ou de legier je puis estre blécié Par Doulx-regart et Plaisant-atraiance ; Jusqu'à la mort dont trop suis en doubtanec. Pour moy couvrir prestez-moy ung pavaiz : Désarmé suis, car pieça mon harnaiz Je le vendy par le conseil d'Oiseuse Comme lassé de la guerre amoureuse.

Vous savez bien que me suis esloingué,

Dès longtemps a, d'Amoureuse vaillance, Où j'estoye moult fort embesoigné Quant m'aviez en vostre gouvernance.

Or en suis hors, Dieu me doint la puissance De me garder que n'y rentre jamais !

Car quant congneu j'ay les amoureux fais, Retrait me suis de vie si péneuse Comme lassé de la guerre amoureuse.

Et non pourtant, j'ay esté advisé Que Bel-acueil a fait grant aliance Encontre moy, et qu'il est embusché Pour me prandre, s'il peut, par décevance (58). Ung de ses gens appelle Acoinctance 3I'assault tousjours; mais souvent je me taiz, Monstrant semblant que je ne quier que paiz Sans me bouter en paine dangereuse, Comme lassé de la guerre amoureuse.

Yoisent faire jeunes gens leurs essaiz : Car reposer je me veueil désormaiz.

Plus cure n'ay de pensée soingneuse, Comme lassé de la guerre amoureuse.