BALLADE CXI Y

Fortune, je vous oy complaindre Qu'on vous donne renom à tort, De savoir et aider et faindre, Donnant plaisir et desconfort.

C'est vray : et encore plus fort.

Souventesfoiz, contre raison, Boutez de liault plusieurs en bas

Et de Las en hault. Telz débas Yous usez en vostre maison.

Bien savez de Plaisance paindre Et d'Espoir, quant prenez depporl ; Après, effacer et destaindre Toute joye, sans nul support.

Et mener à douloureux port Ne vous chault en quelle saison; Jamais vous n'ouvrez par compas.

Beaucop pis, que je ne dy pas, Vous usez en vostre maison.

Pour Dieu! vueillez-vous en reffraindre, Affin qu'on ne face rapport Qui vouldra vostre fait attaindre.

Que vous soyez digne de mort.

Vostre manière chascun mort Plus qu'autre, sans comparaison; Qui regarde par tous estas, Anuy et meschief à grans tas Vous usez en vostre maison.

Ne jouez plus de vostre sort, Car trop le passez oultre bort :

Se gens ne laissiez en pais, on Appellera les adVocas Qui plaideront que très faulx cas, Vous usez en vostre maison.