BALLADE CXV

Or çà, puisque il fault que responde,

Moy, Fortune, je parleray ;

Si grant n'est, ne puissant, où monde

A qui bien parler n'ozeray.

J'a\ fait, faiz encores et feray

Ainsi que bon me semblera

De ceulx qui sont soubz ma puissance :

Parle qui parler en vouldra,

Je n'en feray qu'à ma plaisance.

Quant les biens qui sont en la ronde Sont miens, et je les donneray Par grant largesse dont j'abonde; Et après, je les reprendray, Certes à nul tort ne feray.

Qui est-ce qui m'em blâmera } Je l'ay ainsi d'acoustumance :

En gré le preigne qui pourra, Je n'en feray qu'à ma plaisance.

En raison jamais ne me fonde,

Mais mon vouloir acompliray ;

Les aucuns convient que confonde,

Et les autres avanceray.

Mon propos souvent changera y

En plusieurs lieux, puis cà, puis là,

Sans règle ne sans ordonnance :

Où est-il qui m'en gardera?

Je n'en feray qu'à ma plaisance.

On escript tant qu'il nous plaira Es lettres des seigneurs de France :

Pareillement de moy sera, Je n'en feray qu'à ma plaisance.