BALLADE CXVI
Escollier de mérencolie
A l'est ude je suis venu.
Lettres de Mondaine-clergie Espelant à tout ung festu Et moult fort m'y trouve esperdu.
Lire, n'escripre, ne sçay mye, Des verges de Soussy batu Es derreniers jours de ma vie.
Pieçà, en jeunesse fleurie, Quant de vif entendement f u , j'eusse apris en heure et demye Plus qu'à présent; tant ay vesqu, Que d'engin je me suis vaincu.
On me deust bien, sans flaterie.
Chastier. despoillier tout nu Es derreniers jours de ma vie.
Que voulez-vous que je vous die!
Je suis pour ung asnyer tenu, Banny de bonne compaignie Et de Nonchaloir retenu.
Pour le servir il est couelu :
Qui vouldra pour moy estudie :
Trop tart je m'y suis entendu Es derreniers jours de ma vie.
Se j'ay mon temps mal despendu.
Fait l'ay par conseil de folie ; Je m'en sens et m'en suis sentu Es derreniers jours de ma vie.
BALLADE CXYfL
L'autre jour tenoit son conseil
En la chambre de ma pensée
Mon cueur, qui faisoit appareil De deffence contre l'armée De Fortune, mal advisée, Oui guerrier vouloir Espoir, Se sagement n'est reboutée Par Bon eur et Loyal-vouloir.
Il n'est chose, soubz le souleil, Qui tant doit estre désirée Que paix; c'est le don non pareil Dont Grâce fait tousjours livrée A sa gent qu'a recommandée.
Fol est qui ne la veult avoir, Quant elle est offerte et donnée Par Bon eur et Loyal-vouloir.
Pour Dieu! laissons dormir Traveil; Ce monde n'a guères durée , Et paine tant qu'elle a sommeil ; Souffrons que prengne reposée.
Qui une foiz l'a esprouvée La doit fuyr de son povoir; Par tout doit estre déboutée Par Bon eur et Loyal-vouloir.
Dieu nous doint bonne destinée, Et chascun face son devoir :
Ainsi ne sera redoublée Par Bon eur et Loyal -vouloir.
BALLADE CXVÏ1L
En la chambre de ma Pensée Quant j'ay visité mes trésors, Maintesfoiz la trouve estofféc
Richement de plaisans confors.
A mon cueur je conseille lors Qu'i prenons nostre demouree.
Et que par nous soit bien gardée
Contre tous envieux rappors.
Par Desplaisance maleurée Essaye souvent ses effors Pour la conquesler par emblée Et nous bouter tous deux dehors**.
Se Dieu plaist, assez sommes tors Pour bien tost rompre son armée.
Se d'Espoir bannyère est portée Contre tous envieux rappors.
L'inventoire j'ay regardée
De noz meubles en biens et corps :
De légier ne sera gastée.
Et si ne ferons à nulz tors.
Mieulx a y nierions estre mors
Mon cueur et moy, que courroucée
Fust Raison saige et redoubtéc.
Contre tous envieux rappors.
Demourons tous en bons aeeors.
Pour parvenir à joyeulx pors.
Où monde qui a peu durée.
Soustenons paix la bien amée Contre tous envieux: rappors.
