BALLADE CXX

Pourquoy m'as -tu vendu, Jeunesse, A grant marchié, comme pour rien, Es mains de madame Vieillesse Qui ne me fait guères de bien ?

A elle peu tenu me tien, Mais il convient que je l'endure Puisque c'est le cours de Nature.

Son hostel de noir de Tristesse Est tendu; quant dedens je vieil.

Je y voy l'istoire de Destresse, Qui me fait changer mon maintien.

Quant là ly et maint mal soustien Espargnée n'est créature Puisque c'est le cours de nature.

Prenant en gré ceste rudesse, Le mal d'autruy compare au mien ; Lors me tance dame Sagesse :

Adoncques à moy je revien Et croy de tout le conseil sien, Qui est en ce plain de droitture, Puisque c'est le cours de nature.

Dire, ne sauroye combien Dedens mon cueur mal je retien Serré d'une vieille sainture, Puisque c'est le cours de nature.

BALLADE CXXL

Mon cueur vous adjourne, Vieillesse , Par droit huissier de Parlement, Devant Raison, qui est maistresse Et juge de vray jugement ; Depuis que le gouvernement Avez eu de lui et de moy, Vous nous avez par tirannie Mis es mains de Mérencolie, Sans savoir la cause pourquoy.

Par avant nous tenoit Jeunesse Et nourrissoit si tendrement

DE CHAULES D'OHLEANS. 211

En plaisir, confort et liesse Et tout joyeulx esbateinent.

Or faictes vous tout autrement :

Se vous est hontes sur nia foy, Car en douleur et maladie Nous faictes user nostre vie, Sans savoir la cause pourquoy.

De quoy vous sert ceste destre^se A donner sans alègement?

Cuidez-vous pour telle rudesse Avoir honneur aucunement ?

Nennil, certes; car vrayement Chascun vous monstrera au doy, Disant : la vieille rassotie Tient tous maulx en sa compaignie Sans savoir la cause pourquoy.

Ce Saint-Martin présentement Qu'avocas, font commencement De plaidier les faiz de la loy ; Prenez bon conseil, je vous prie, Ne faictes débat ne partie Sans savoir la cause pourquoy.