BALLADE CXXII

Plus ne voy riens qui reconfort me donne, Plus dure ung jour que ne me souloient cent, Plus n'est saison qu'à nul bien m'abandonne , Plus voy plaisir et mains mon cueur s'en scent, Plus qu'oneques mais mon vouloir bas descenl ; Plus me souvient de vous et plus m'empire ; Plus quiers esbas c'est lors que plus soupire; Plus fait beau temps et plus me vient d'enuys;

Plus ne m'attens fors tousjours d'avoir pire, Puisque de vous approcher je ne puis.

Plus suis dolent que nul autre personne, Plus n'ay espoir d'aucun alègeinent ; Plus ay désir et crainte d'autre sonne; Plus vueil aler vers vous, moins sçay comment; Plus suis espris et plus ay de tourment, Plus pleure et plains et plus pleurer désire ; Plus chose n'est qui me sauroit sumre; Plus n'ay repos, je liay les jours, les nuys : Plus que jamais a douleur me fault duyre , Puisque de vous approcher je ne puis.

Plus vivre ainsi ne m'est pas chose bonne ; Plus vueil mourir, et raison si assent ; Plus qu'à nully Amours des maulx m'ordonne ; Plus n'a m'a voix bon accort ne assent ; Plus fait-on jeux, mieulx désire estre absent: Plus force n'ay d'endurer tel martire ; Plus n'est vivant homme qui tel mal tire, Plus ne congnois bonnement où je suis ; Plus ne sçay brief que pencer, faire ou dire Puisque de vous approcher je ne puis.

Plus n'ay mestier de jouer ne de rire, Plus n'esl le temps si non de tout despire: Plus cuide avoir de doulceur les apuys. Plus suis adonc desplaisant et plain d'ire, Puisque de vous approcher je ne puis.