FAISANT RESPONCE A FREDET
Fredet, j'ay receu vostre lettre Dont vous niercie chièrenient, Où dedens avez voulu mettre Yostre fait bien entièrement.
Fier vous povez seurement En moy, tout, non pas a demi :
Au besoing congnoist-on l'ami.
S' Amour tient vostre cueur en serre.
Ne vous esbahissez en rien ; Il n'est nulle si forte guerre Qu'au derrain ne s'appaise bien.
Amour le fait, comme je tien, Pour esprouver mieulx vostre vueiî :
Grant joye vient après grant dueil.
Se vous dittes : « Las! je ne puis
LTne telle doleur porter. ».
Je vous respons : « Beau sire, et puis
Vous en voulez-vous depporter,
Ou au dieu d'Amours rapporter?
L'un des deux fault, se m'aist Dieu ! voire .
Puisqu'il est trait, il le fault boire.
Guidez -vous par dueil et courroux Ainsi gaigner vostre vouloir?
Nennil, ce ne sont'que côupsroux Qu'Amours met tout en nonchaloir :
De riens ne vous pevent valoir
Et se les touchez en despense Trop remaint de ce que fol pense.
Voulez-vous rompre vostre teste
Contre le mur, ce n'est pas sens;
Il fault danser qui est en leste,
Certes autre raison n'y sens ;
Et pour cela je me consens
Que souffrez qu'Amours vous demainc :
Grant bien ne vient jamais sans paine.
Mais de voz doleurs raconter Faittes bien, ainsi qu'il me semble, Et les assommer et compter Devant Amours : car il ressemble A l'ostellier qui met ensemble Et tout dedens son papier couche :
Pour parler est faicte la bouche.
De piéça je fuz en ce point, Encores pis, loing d'allégence; Toutesfoiz, ne voulu-je point De moy-mesmes faire vengence.
Mais cliauldement, par diligence, Pourchassay et plaiday mon fait :
Peu gaigne cellui qui se tait.
Et pour ce que la lectre dit Qu'Amours veult que vers moy tirez, De moy ne serez escondit :
S'aucune chose desirez A vostre bien, quant l'escriprez, Paine mectray d'entente franche Que l'ayez de croq ou de hanche.
Combatez d'estoc et de taille
Vostre dure mérencolie, Et reprenez, commant qu'il aille, Espoir,, Confort et Ghière-lie.
De ne vous oublier me lie Autant en ce que puis et doy Que se me tenez par le doy.
Or retournons à mon propos Et ne parlons plus de cecy :
Vray est que je suis en repos D'amours, mais non pas de soussy .
Et pour ce, je vous vueil aussi De me conseillier travaillier :
L'amy doit pour l'autre veillier.
Soussy maintient que c'est raison Qu'il ait sur tous vers moy puissance ; Nonchaloir dit qu'en ma maison Yault mieulx qu'il ait la gouvernance, Car il ramènera Plaisance Que Soussy a bannye à tort, Sans reveillier le chat qui dort.
Soussy respond qu'estre ne peut
Tant qu'on est où monde vivant .:
Car Fortune partout s'esmeut
Et est à chascun estrivant,
En tous lieux va mal escrivant,
Et toutes choses met en doubte :
Elle a beaux yeulx et ne voit goûte.
Si ne sçay que je doye faire, Ne lequel d'eulx me laissera :
Car veu que tousjours j'ay affaire Soussy jamais ne cessera, Mais mon Plaisir rabessera
DE CHARLES D'ORLÉANS. 22 i
En quelque placé que je voyse, Bien est aise qui est sans noyse.
Quant en Nonchaloir je în'esbas Et Desplaisir vueil débouter, Jamais ne sçay parler si bas Que Sbussy ne viengne escouter.
Las ! je le doy tant redoubter, Car à tort souvent me ravalle, Mais sans mascher fault que l'avalle.
Je ne sçay remède quelconques Quant ay mis ces choses en poys, Pour tous deux contenter adoncques, Fors les faire servir par moys.
Mandez-moy sur ce quelque foys Fredet, bon conseil, par vostre ame, Foy que devez à vostre dame.
