COMPLAINTE DIALOGUÉE VL L'AMANT ETL'AMOURS
AMOURS
L'autr'ier, en ung lien me trouva y
Triste, pensif et doloreux ;
Tout mon fait bien au long comptay
Au hault prince des amoureux,
Lequel m'a esté rigoreux
Où temps que mon cueur le servoit :
Et ainsi qu'il me respondoit,
Souvenir qui fut au plus près,
Ses ditz et les miens escrip voit
En la manière cy après.
l'amant.
« Hélas! Amours, de vous me plains, Mais les griefz maulx le me font faire Dont mon cueur et moy sommes plains, Car trop estes de dur afaire :
S'un peu me feussiez débonnaire Espoir que j'ay dit tout perdu Si me seroit tantost rendu; Mais pas n'avez tel vostre vueil, Ainçois par vous m'est deffendu Plaisant-desir et Bel-acueil. »
AMOURS
Amours respond : « A trop grant tort Vous vous plaignez et sans raison, Car envers chascun Réconfort JN'est pas tousjours en sa saison; Et si savez qu'en ma maison Une coustume se maintient, C'est assavoir : que qui se tient .
Pour serviteur de mon hostel ■ Maintesfoiz sousfrir lui convient :
L'usaige de mes gens est tel. »
l'amant.
« Certes, Sire, vous dictes vray ; Mais l'ordonnance riens ne vault :
Parler en puis, car bien le sçay Et ay dancié a ce court stiult ; Parquoy je congnois le deffault De doulx plaisir que l'en y a :
Car quant mon cueur vous dépria Secours, il lui fut escondit :
Adoncques de dueil regnya •Vostre povoir, et s'en partit. »
AMOURS
.« Des beaulx amis, se dit Amours, Celui qui à servir se met, S'il veult avoir tantost secours Et le guerdon qu'on y promet ; Ou autrement il se desmet Du service qu'il a empris, De Loyaulté seroit repris Quant je tendray mon jugement, Et si perdroit tout los et pris Sans jamais nul recouvrement. »
l'amant.
« Voire, Sire, doit-on servir Sans prousfit ou guerdon avoir ?
Nennil, ung cueur devroit mourir Puisqu'il a fait loyal devoir, Entièrement à son povoir, Et qu'il lui fault quérir son pain.
A vous qui estes souverain, En est Je plus de deshonneur, Veu que par faulte meurt de fain Vostre bon loyal serviteur. »
AMOURS
<( Qu'on meure de fain ne vueil pas;
Mais le trop hasté s'eschaulda :
Il convient aler pas à pas,
Et puis après on congnoistra
Qui mieulx son devoir fait aura :
Alors doit estre guerdonné.
Je suis assez abandonné
A grant largesse de mes biens,
Mais quant j'ay maintesfoiz donné
A plusieurs semble qu'ilz n'ont riens. »
l'amant.
« De ceulx ne suis quant est à moy : Sur ce, je répons à briefz niotz :
Je vous asseure, par ma foy, Oncques rie fuz en ce propos, J'ay tousjours porté sur mon dos Paine, Travail à grant planté, Ne nulle chose n'ay hanté Dont on dye qu'aye failly, Combien qu'en dueil m'aiez planté Gomme faint seigneur et amy. »
AMOURS
« Estre mon maistre vous voulez, Par vostre parler ce me semble, Et grandement vous me foulez ; Mais l'estrif de nous deux ensemble, Gomme en peut congnoistre, ressemble Au débat du verre et du pot.
Fain avez qu'on vous tiengne à sot; Devant Raison soit assigné ; Se j'ay tort, paier vueil l'escot Quant le débat sera fine. »
l'amant.
«Il fault que le plus foible, doncques, Soit tousjours getté soubz le pié ; Ne je ne vy autrement oncques; Rendre se fault qui m'a traictié; J'ay cogneu où j'ay peu gaingnié Vostre court à mont et à val ; Et soit à pié ou à cheval On n'y scet trouver droit chemin, Quoy qu'on y trouve, bien ou mal Il fault tout partir au butin. »
AMOURS
« Pour le présent plus n'en parlons, Puisque j'ay puissance sur tous; Quelque chose que débatons A mon plaisir feray de vous :
Ne me cliault de vostre courrous Ne de chose que l'on me dye.
Se je vous ay fait courtoisie, Se vous voulez, prenez l'en gré :
Car le premier vous n'estes mie Qu'ay courroucié en grant degré.
