CHANSON LXXXIV

D'Espoir et que vous en diroye ?

C'est ung beau bailleur de parolles; Il ne parle qu'en parabolles, Dont ung grant livre j'escriroye.

En le lisant je m'en riroye Tant auroit de choses f ri voiles :

D'Espoir et que vous en diroye ?

C'est ung beau bailleur de parolles.

Par tout ung an. ne le liroye;

Ce ne sont que promesses folles, Dont il tient chascun jour escolles, Telles estudes n'esliroye :

D'Espoir et que vous en diroye.

CHANSON LXXXY.

Passez oultre décevant Yueil, Où portez-vous cest estandart De plaisant, attrayant regart, Soubz l'emprise de Bel-acueil?

De ma maison n'entrez le sueil, Plus quant tirez autre part; Passez oultre décevant Yueil, Où portez-vous cest estandart?

Vous taschez à croistre mon dueil Et gens engigner par vostre art.

A! maislre sebelin Regnart!

On vous congnoist tout cler à Tueil Passez oultre décevant Yueil.