CHANSON LXXXVI

31a plus chier tenue richesse, Ou parfont trésor de Pensée Est soubz clef seurement gardée.

Par Espérance ma déesse.

Se vous me demandez et qu'esse?

N'enquerez plus elle est mussée :

Ma plus chier tenue richesse, Ou parfont trésor de Pensée.

Avecques elle seul, sans presse.

Je m'esbas soir et matinée ; Ainsi passe temps et journée :

Au partir dy : adieu, maislresse, Ma plus cbier tenue richesse.

CHANSON LXXXVIÏ.

Ou puis parfont de ma mérencolie L'eaue d'Espoir ne cesse de tirer, Soif de confort la me fait désirer, Quoy que souvent je la treuve tarie,

Nette la voy ung temps, et esclercie Et puis après troubler et empirer, Ou puis parfont de ma mérencolie L'eaue d'Espoir ne cesse de tirer.

D'elle trempe mon ancre d'estudie,

Quant j'en escrips; mais pour mon cueur irer

Fortune vient mon pappier dessirer,

Et tout gecté par sa grant félonnie

Ou puis parfont de ma mérencolie.

CHANSON LXXXVHI.

Monstrez les moy ces poures yeulx Tous batuz et desfigurez ; Certes ilz sont fort empirez Depuis hier qu'ilz valloient mieulw

Ne se congnoissent-ilz par tieulx ?

Mal se sont au matin mirez :

Monstrez-les moy ces poures yèulx Tous batuz et desfigurez.

Ont-ilz (63) pleuré devant leurs dieuv Comme de leur grâce inspirez?

Ou s'ilz ont mains travaulx tirez Privéement, en aucuns lieux :

Montrez-les moy ces poures yeulx.