CHANSON CX1I

C'est grant peine que de vivre en ce monde , Encore est-ce plus paine de mourir :

Si couvient-il en vivant mal souffrir Et au derrain de mort passer la bonde.

S'aucune foiz joye ou plaisir abonde

On ne les peut longuement retenir.

C'est grant peine que de vivre en ce monde.

Encore est-ce plus paine de mourir.

Pour ce, je vueil comme ung fol qu'on me tonde Se plus pense, quoyque voye à venir, Qu'à vivre bien et bonne lin quérir.

Las! il n'est rien que Soussy ne confonde. C'est grant peine que de vivre en ce monde.