CHANSON CXI1I

En vivant en bonne espérance Sans avoir desplaisance ou d^eil, Vous aurez brief à vostre vueil Nouvelle planté de Plaisance.

De guerre n'avons plus doubtance ; Mais tousjours gracieux acueil, En vivant en bonne espérance Sans avoir desplaisance ou dueil.

Tous nouveaulx revendrons en France, Et quand me reverrez à l'ueil, Je suis tout autre que ne sueil :

Au moins j'en fais la contenance En vivant en bonne espérance.

DE CHARLES D'ORLEANS. 20 i

Jeunes amoureux nouveaulx, En la nouvelle saison, Par les rues, sans raison, Chevauchent faisans les saulx.

Et font saillir des carreaulx Le feu, comme de charbon :

Jeunes amoureux nouveaulx En la nouvelle saison.

Je ne sçay se leurs travaulx Hz employent bien ou non ; Mais piqués de l'esperon Sont autant que leurs chevaulv, Jeunes amoureux nouveaulx.