CHANSON CXXX

Gardez-vous de mergo Trompeur, faulx et rusez, Qui les gens abusez Aiaintesfoiz a tergo.

En tous lieux, où pergo Fort estes accusez ; Gardez-vous de mergo Trompeur, faulx et rusez.

Wercy dit : abstergo

Les faultes dont usez:

Mais que les refusez A visez- vous ergo; Gardez-vous de mergo.

Encore lui fait-il grant bien De veoir celle qu'a tant amée, A cellui qui cueur et pensée A voit sien elle comme sien.

Combien qu'il n'y aye plus rien Et qu'autre la lui ait ostée, Encore lui fait-il grant bien De veoir celle qu'a tant amée

En regardant son doulx maintien Et son fait, qui moult lui agrée, S'il la peut tenir embrassée Il pense qu'une foiz fut sien, Encore lui fait-il grant bien.