CHANSON CXXXI
Quant n'ont assez fait dodo Ces petitz enfanchonnés Hz portent soubz leurs bonne Visages plains de bobo.
C'est pitié s'ilz sont joio Trop matin les doulcinés, Quant n'ont assez fait dodo Ces petitz enfanchonnés.
Dieux amassent à gogo, Gésir sur molz coissinés :
Car ilz sont tant poupines Hélascbe! guoguo! guoguoî Quant n'ont assez fait dodo.
Avugle et assourdy De tous poins en nonchaloir, Je ne puis ouir ne veoir Chose dont soye esjouy.
Se desplaisant ou marry
Tout m'est ung, pour dire voir
Avugle et assourdy
De tous poins en nonchaloir.
Es escolles fu nourry D'Amours, pensant mieulx valoir Quant plus y cuiday savoir :
Plus m'y trouvay rassoty, Avugle et assourdy.
Procul a nobis Soient ces trompeurs, Dentur aux flateurs Verba pro verbis.
Sicut pax vobis Et tendent ailleurs :
Procul a nobis Soient ces trompeurs.
Non semel sed bis Et des foiz plusieurs, Sont loups ravisseurs, Soubz peaulx de brebiz ; Procul a nobis.
J'estraine de bien loing ma mie De cueur, de corps et quanque j'ay En bon an lui souhaideray Jove, santé, et bonne vie.
Mais que ne ni'estraine d'oublié Ne plus ne moins que la fera y ; J'estraine de bien loing ma mie, De cueur, de corps et quanque j'ay,
.Mon cueur de chapel de Soussie Ce jour de l'an estréneray, Et à elle présenteray Des fleurs de ne m'oubliez mie :
J'estraine de bien loing ma mie.
Faulcette confite En plaisant parler, Laissez la aler :
Car je la despite.
Ce n'est que redite De tant l'esprouver :
Faulcette confite En plaisant parler,
Et quant on s'a quiète Plus de l'amender, Puis la voy ouvrer C'est chose maudite : Faulcette confite.
Parlant ouvertement
Des faiz du dieu d'Amours
N'a-il d'estranges tours En son commandement?
Ouil certainement, Qui dira le rebours?
Parlant ouvertement Des faiz du dieu d'Amours.
S'on faisoit loyaument Enqueste, par les cours, On orroit tous les jours Qu'on s'en plaint grandement :
Parlant ouvertement.
^IJ fauldroit faire l'arquemie Qui vouldroit forgier faulceté Tant qu'elle devint loyaulté, Quant en malice est endurcie î
C'est rompre sa teste en folie Et temps perdre en oysivelé ; Il fauldroit faire l'arquemie, Qui vouldroit forgier faulceté.
Plus avant qu'on y estudie Et moins y congnoist-on seurté Car de faire de mal bouté L'un à l'autre trop contrarie :
Il fauldroit faire l'arquemie.
RONDEL LXIÏ.
Tant sont les yeulx de mon cueur endorm En nonchaloir. qu'ouvrir ne les pourroye : Pour ce. parler de beaulté n'ozeroye Pour le présent, comme j'ay fait jadiz.
Par cueur retiens ce que j'en a y apris : Car plus ne sçay lire ou livre de joye. Tant sont les yeulx de mon cueur endormi/ En nonchaloir. qu'ouvrir ne les pourroye.
Chase un diroit qu'entre les rassotiz.
Comme aveugle des couleurs jugeroye :
Taire m'en vueil. rien n'y voy. Dieu y voyeî Plaisans regars n'ont plus en moy logis. Tant sont les yeulx de mon cueur endorm z 7"
En changeant mes appétiz.
Je suis tout saoul de blanc pain.
Et de menger meurs de fain D'un 1res et nouveau pain bis,
A mou gré. ce pain faitis C'est ung morceau souverain.
En changeant mes appétiz.
Je suis tout saoul de blanc pain
S'il en fust à mon devis.
Plus tost en nuyt que demain.
J'en eusse mon vouloir plain :
Car grant désir m'en est pris, En changeant mes appétiz.
