RONDEL CLIII
Se vous voulez m amour avoir A tousjours, mais sans déparïir, Pensez de faire mon plaisir Et jamais ne me décevoir.
Bientost sauray apparcevoir Au paraler vostre désir Se vous voulez m'amour avoir A tousjours, mais sans départir.
Assez biens povez recevoir S'en vous ne tient sans y faillir, Vous estez près d'y avenir, Faisant vers moy léal devoir, Se vous voulez m'amour avoir.
Maudit soit mon cueur, se j'en mens,
Quant à mon loisir estre puis
Et avecques Pensée suis,
En mes maulx prens alègemens.
Car Soussis, plains d'encombremens, Boutons hors et lui fermons l'uis :
Maudit soit mon cueur, se j'en mens, Quant à mon loisir estre puis.
Assez y trouve esbatemens :
Lors lui dy, ma maistresse et puis Serons-nous ainsi jours et nuis, J'y donne mes consentemens :
Maudit soit mon cueur, se j'en meus.
En la querelle de Plaisance J'ay veu le rencontre des yeulx, Oui estoient, ainsi m'aid Dieux î Tous prestz de combatre à oultrancc,
Rangez par si belle ordonnance Qu'on ne pourroit deviser mieulx, En la querelle de Plaisance.
S' Amours n'y mectent pourvéance, De piéçà, je les congnois tieulx, Qu'au derreuier, jeunes ou vieulx, Mourront tous par leur grant vaillance En la querelle de Plaisance.
DE CHARLES D'ORLÉANS, 33 i
RONDEL CLVL
Par l'aumosnier Plaisant-regart,
Donnez l'aumosne de donlceur
A ce poure malade cueur
Du feu d'amours, dont Dieu nous gartî
Nuit et jour sans cesser il art ; Secourez-le, pour vostre honneur, Par l'aumosnier Plaisant-regart.
S'il vous plaisoit, de vostre part, Prier Amours qu'en sa langueur Pourvoyent à vostre faveur :
Aide sero, plus tosl que tart, Par l'aumosnier Plaisant-regart.
De la maladie des yeulx, Féruz de pouldre de plaisir.
Par le vent d'Amoureux-desir Est fort à guérir, se m'aid Dieux î
Toutes gens et jeunes et vieulx S'en scèvent bien à quoy tenir, De la maladie des yeulx Féruz de pouldre de plaisir.
Je n'y congnois remèdes tieulx, Que hors de presse soy tenir Et la compaignie fuir ; Qui plus en saura, die mieulx De la maladie des yeulx.
332 ySS POESIES
