RESPONSE AUX RONDEAUX DE FREDET
Pour mectre à fin vostre doleur, Où pour le présent je vous voy,
Descouvrez-moy Tout vostre fait : car sur nia foy Je vous secourray de bon cueur.
Plus avant offrir ne vous puis,
Fors que je suis Prest de vous aider à toute heure
A vous bouter hors des ennuys,
Que jours et nuys Dictes qu'avec vous font demeure
Quant vous tenez mon serviteur, Et vostre doleur apparçoy,
Montrer au doy On me devroit se tenir quoy Youloye, comme faint seigneur, Pour mectre à fin vostre doleur.
Ung cueur, ung vueil, une plaisance, Ung désir, ung consentement, Ung reconfort, ung pensement Fermez en loyalie fiance.
Dieu, que bonne en est l'accoinctance ! Tenir la doit-on chièrement, Ung cueur, ung vueil, une plaisance, Ung désir, ung consentement.
Contre Dangier et sa puissance Qui les het trop niortelment, Gardons les bien et sagement.
W 'est-ce toute nostre clievance Ung cueur, ung vueil, une plaisance ?
RONDEL LXYI.
Pour ce que Plaisance est morte Ce may, suis vestu de noir ; C'est grant pitié de véoir Mon cueur qui s'en desconforte,
Je nrabille de la sorte Que doy, pour faire devoir; Pour ce que Plaisance est morte, Ce may, suis vestu de noir.
Le temps ces nouvelles porte Oui ne veult déduit avoir :
Mais par force de plouvoir Fait des champs clorre la porte, Pour ce que Plaisance est morte,
RONDEL LXVIL
Cueur, à qui prendrez-vous consc A nul ne povez descouvrir Le très angoisseux desplaisir, Qui vous tient en peine et traveiJ
Je tiens qu'il n'a soubz le soûle il De vous plus parfait vray martir.
Cueur, à qui prendrez-vous conseil ?
A nul ne povez descôuvrir.
Au moins faictes vostre apareil De bien vous faire ensevellir; Ce n'est que mort d'ainsi languir En tel martire nompareil :
Cueur, à qui prendrez-vous conseil ?
A Dieu ! qu'il m'anuye !
Hélas ! qu'est-ce cy ?
Demourray ainsi En mérencolie?
Oui que chante ou rie, J'ay lousjours soussy :
A Dieu! qu'il m'anuye!
Hélas ! qu'est-ce cy ?
Penser me guerrie Et Fortune aussi, Tellement et si Fort, que hé ma vie :
A Dieu! qu'il m'anuye!
Dedens mon livre de pensée J'ay trouvé escrivant mon cueur, La vraye histoire de doleur, De lermes toute enluminée.
En deffassant la très aînée Yrnage de Plaisant-doulceur; Dedens mon livre de pensée J'ay trouvé escrivant mon cueur.
Hélas! où l'a mon cueur trouvée?
Les grosses gouttes de sueur Lui saillent de peine et labeur, Qu'il y prent et nuit et journée :
Dedens mon livre de pensée.
Ci pris, ci mis, Trop fort me lie Mérencolie , De pis en pis.
Quant me tient pris En sa baillie, A pris, ci mis, Trop fort me lie.
Se hors Soussis Je ne m'alie A chière lie,, Vivant languis Ci pris, ci mis.
Et de cela quo\ , Se Soussi m'assault
A mon cueur n'en chault, ]N 'aussi peu à moy.
Comme j'apperçoy, Courroux riens n'y vault; Et de cela quoy , Se Soussi m'assault.
Par lui je recoy Souvent froit et chault , Puis qu'estre ainsi fault Remède n'y voy :
Et de cela quoy.
Et de cela quoy , En ce temps nouveau Soit ou laid ou beau , Il m'en chault bien poy.
Je demourray quoy En ma vieille peau:
Et de cela quoy En ce temps nouveau.
Plusieurs, comme voy, Ont des pois au veau, Je mectray mon seau Qu'ainsi je le croy:
Et de cela quoy.
Chantez ce que vous pensez .
Monstrant joyeuse manière.
W e la vendez pas si ebière Trop envis la despensez.
Or sus tost vous avancez .
Laissez coustunie estrangière :
Chantez ce que vous pensez.
Monstrant joyeuse manière.
Tous noz menuz pourpenstz Descouvrons à L\e chière .
L'un à l'autre sans prière , J'achéveray, commencez :
Chantez ce que vous pensez
Le trouveray-je jamais
Ung loyal cueur joinct au mi en
A qui je soye tout sien
Sans départir désormais
D'en deviser par souhais Souvent m'y esbas et bien:
Le trouveray-je jamais.
Ung loyal cueur joinct au mien
Autant vault se je m'en tais.
Car certainement je tien Qu'il ne s'en fera ja rien En toute chose à ung mais:
Le trouveray-je jamais0
Gens qui cuident estre si saiges Qu'ilz pensent plusieurs abestir, Si bien ne se sauront couvrir Qu'on n'appereoive leurs courages.
Payer leur fauldra les usages De leurs becz jaunes sans faillir; Gens qui cuident estre si saiges Qu'ilz pensent plusieurs abestir.
On scet par anciens ouvrages De quel mestier scévent servir, Mélusine n'en peut mentir, Elle les congnoist aux visaiges Gens qui cuident estre si saiges.
Il me pleust bien, Se tour il a , Qu'en me monstra Qu'estoit tout mien.
Par son maintien Tost me gaigna :
Il me pleust bien Se tour il a.
Sans dire rien, Mon cueur pensa Et ordonna Qu'il seroit sien ; Il me pleust bien.
Quant j'ai ou y le tabourin Sonner, pour s'en aler au may, En mon lit n'en a y fait effray Ne levé mon chief du coissin;
En disant : il est trop matin , Ung peu je me rendormiray :
Quant j'ay ouy le tabourin Sonner, pour s'en aler au may.
Jeunes gens partent leur butin; De Nonchaloir m'acointeray :
A lui je m'abutineray , Trouvé l'ay plus prouchain voisin :
Quant j'ay ouy le tabourin.
En mon cueur chéoit Et la devinoye, Comme je pensoye, Qu'ainsi m'avendroit.
Fol tant qu'il reçoit Ne croit rien qu'il voye :
En mon cueur chéoit Et la devinoye.
Sotye seroit Se plus y musoye Ma teste romproye; Soit ou tort ou droit, En mon cueur chéoit.
DE CHARLES D'OKLÉÀNS. 291
RÔNDEL LXX1X.
Le premier jour da mois de may De tanné et de vert perdu, Las ! j'ay trouvé mon cueur vestu Dieu scet en quel piteux array î
Tantost demandé je lui ay Dont estoit cest habit venu :
Le premier jour du mois de may De tanné et de vert perdu.
Il m'a respondu : bien le seay ; Mais, par ma l'oy, sera congncu.
Desplaisance m'en a pourveu; Sa livrée je porteray Le premier jour du mois de may.
Le monde est ennuyé de moy Et moy pareillement de lui :
Je ne congnois riens aujourd'ui Dont il me chaille que bien poy.
Dont quanque devant mes yeuix voy, Puis nommer anuy sur anuy ; Le monde est ennuyé de moy Et moi pareillement de lui.
Chièrement se vent Bonne-loy
A bon marché n'en a nully ;
Et pour ce, se je suis cellui
Qui m'en plains, j'ay raison pourquoy
Le monde est ennuvé de moy.
De riens ne sert à cueur en desplaisance
Chanter, danser. D'aucun esbatement :
]1 lui souffist de povoir seulement Tousjours penser a sa maie mcscliance.
Quant il conguoist qu'en hazart gist sa chance Et désir n'est à son commandement:
De riens ne sert à cueur en desplaisance Chanter, danser. D'aucun esbatement.
S'on rit. pleurer lui est d'acoustumance : S'il peut, a part se met le plus souvent Afin qu'à nul ne t le ligne parlement : Pour le guérir, jà mire ne s'avance.
De riens ne sert à cueur en desplaisance.
Vous y fiez-vous En Mondain-espoir
S'il scet décevoir Demander a tous.
Son atrait est doulx Pour gens mieulx avoir :
Vous y fiez-vous En Mondain-espoir?
De joye ou courroux.
Soin g ou nonchaloir.
Veult a son vouloir Tenir les deux boux : Vous v fiez-vous
Fiez -vous y :
A qui,
En quoy?
Comme je voy, Riens n'est sans sy.
Ce monde cy
A sy
Pou foy :
Fiez-vous y,
A qui
En quoy ?
Plus je n'en dy
IV'escry,
Pourquoy, Chascun j'en croy S'il est ainsy :
Fiez-vous y.
Yengence de mes yeulx Puisse mon cueur avoir ; Jlz lui l'ont recevoir Trop' de maulx en mains lieux.
Amours, le roy des dieux, Faictes vostre devoir; Vengence de mes yeulx Puisse mon cueur avoir.
Se jamais plus sont tieulx
Encontre mon vouloir, Sur eulx et main et soir Crieray jusques aux cieulx Vengence de mes yeulx.
De légier pleure à qui la lippe peut, Ne demandez jamais comment lui va; Laissez l'en paix : il se confortera Ou en son fait mettra appointement.
A son umbre se combatra souvent Et puis son frain rungier lui convendra, De légier pleure à qui la lippe peut, Ne demandez jamais comment lui va.
S'on parle à lui, il en est mal content; Cheminée, au derrain, trouvera Par ou passer sa fumée pourra :
Ainsi avient le plus communément De légier pleure à qui la lippe peut.
RONDEL LXXXVJ.
Espoir ne me lisl oncques bien, Souvent me ment pour me complaire Et assez promet sans riens faire :
Dont à lui peu tenu me tien.
En ses ditz ne me fie en rien ; Se Dieu m'aist, je ne m'en puis taire, Espoir ne me fist oncques bien, Souvent me ment pour me complaire.
Quant Réconfort requérir lui vien Et cuide qu'il le cl'oye faire, Tousjours- me respont auconlraire Et me hare Reffus, son chien :
Espoir ne me fist oncques bien.
ItONUEL LXXXVII.
Dont viens-tu maintenant, Souspir?
Aportes-tu nulles nouvelles?
Dieu doint qu'ilz puissent estre telles Que voulentiers les doye ouir.
S'ilz viennent de devers Désir Hz ne sont que bonnes et belles; Dont viens- tu maintenant, Souspir?
Aportes-tu nulles nouvelles?
Mais s'ilz sourdent de Desplaisir J'ayme mieulx que tu les me cèles Assez et trop j'en ay de telles, Ne dy riens que pour m'esjouir :
Dont viens-tu maintenant, Souspir?
C'est par vous seulement, Fiance, Qu'ainsi je me trouve déceu :
Car se par avant l'eusse sceu, Bien y eusse mis pourvéance.
Au fort, quant je suis en la dancc, Puis qu'il est trait il sera beu :
C'est par vous seulement. Fiance, Qu'ainsi je nie trouve deceu.
Je do y bien haïr l"dC oint tance Du premier jour que vous ay veu Car prins m'avez au despourveu.
IVul n'est trahv qu'en espérance.
C'est par vous seulement. Fiance.
RONDËL EXXXIX
Ou pis ou mieulx Mon eue ut aura.
Plus ne sera En soussis tieulx.
Par Dieu ! des eieuh Cliemin prendra :
< )u pis ou mieulx Mon cueur aura.
En aucuns lieux Fortune, or ça, On vous verra Plus cier aux yeulx :
Ou pis ou mieulx.
ROXDEL XC.
Par vous. Regard, sergent d'Amoui Sont arrestez les poures cueurs.
Souvent en plaisirs et doulceurs Et mainttsfoiz tout au rebi-urs.
Devant les amoureuses cours
Les officiers et gouverneurs
Par vous, Regard, sergent d'Amours,
Sont arrestez les poures cueurs.
Et adjournez à trop briefz jours Pour leur porter plus de rigueurs, Comme subgiez et serviteurs, Endurent mains estranges tours ; Par vous, Regard, sergent d'Amours.
S'en mes mains une foiz vous tiens Pas ne m'eschapperez, Plaisance; Jà fortune n'aura puissance Que n'aye ma part de voz biens.
En despit de Dueil et des siens, Qui me tourmentent de penance, S'en mes mains une foiz vous tiens, Pas ne m'eschapperez. Plaisance.
Doy-je tousjours, sans avoir riens, Languir en ma dure grevance :
Nennil. Promis m'a Espérance Que serez de tous poins des miens, S'en mes mains une foiz vous tiens.
Payez selon vostre déserte Puissiez-vous estre, Fa ulx- trompeurs!
Au derreiiier des eabuseurs
Sera la malice déserte,
D'entre deux meures une verte A ous fault servir, pour voz labeurs : Payez selon vostre déserte Puissiez-vous estre. Faulx-trompeurs !
A ostre besongne est trop ouverte ; Ce n'est pas jeu d'entrejeeteurs Aux esches, s'estes bons joueurs.
Gardez Tescbec à descouverte.
Pavez selon vostre déserte,
Pins penser que dire Me convient souvent.
Sans monstrer comment Va quoy mon cueur tire
Faignant de soubzrire Quant suis très dolent Plus penser que dire 31e convient souvent,
En toussant souspire Pour, secrètement.
Musse r mon tourment.
C'est privé martire.
Plus penser que dire,
Mort de moy vous y jouez-vous Avec dame Mérencolie?
Mon cueur, vous faietes grant folye ; C'est la nourrisse de Courroux.
Ung baston qui point à deux boulz Porte, dont elle s'escrémye, Mort de moy vous y jouez-vous Avec dame Mérencolie?
Je tiens saiges toutes et tous Qui eslongnent sa compaignie; Saint-Jehan je ne m'y mectray mie Que je m'y boutasse a quans coups : Mort de moy vous y jouez-vous ?
Je ne suis pas de ces gens là A qui Fortune plaist et rit.
De Réconfort trop m'escondit Yeu que tant de mal donné m'a.
S'on demande comment me va, Il est ainsi comme j'ay dit :
Je ne suis pas de ces gens là A qui Fortune plaist et rit.
Quant je dy que Bon-temps vendra Mon cueur me respont, par despit, Yoire s'Espoir ne vous mentit:
Plusieurs déçoit et décevra Je ne suis pas de ces gens I
Allez, allez, vieille nourrice.
De Courroux et de Male-vie.
Rassotee 3Iereaneolie.
Vous n'avez que dueil et malice.
Désormais plus n'aurez office Avec mon cueur. je vous reguye:
Allez, allez, vieille nourrice.
De Courroux et de Male-vic.
Pour vous n'y a point lieu propice; Coniort Ta prins. n'en doublez mjt Fuyez hors de la compaignie D'Espoir, fait nouvel édifice; .Allez, allez, vieille nourrice.
Pleine de comment Pourray-je quérir.
Du mal qu'a souffrir J'ay trop longuement:
Qu'en dit loyaumcnt Conseil, sans mentir.
Remède comment Poarray-je quérir ?
Pour abrègemenl
Guérir ou mourir, Plus ne puis fournir Se Sens ne m'aprent Remède comment.
ROXDEL XCYIII.
Vous ne tenez compte de moy , Beau sire, mais qui estes-vous ?
Youlez-vons estre seul Sur tous Et qu'on vous laisse tenir quoy 3
Mérencolie suiz et doy En tous faiz tenir l'un des bouts :
Vous ne tenez compte de moy , Beau sire, mais qui eslcs-vous?
Si je vous pinse par le doy,
Ne me durait de vostre courrouv ;
Ofl verra se serez rescours
Des mains et par qui, et pourquoy
Vous ne tenez compte de moy.
ROXDEL XC1X.
Quant je voy ce que ne vueil mie El n'ay ce dont suis désirant, Pensant ce qui m'est desplaisant Est-ce merveille s'il m'ennuye?
Nennil : force est que me soussie De mon cueur, qui est languissant, Quant je voy ce que ne vueil mie Et n'ay ce dont suis désirant.
En douleur et mérencolie Suis nuit et jour estiuliant; Lors je me boute trop avant En une haulte théologie, Quant je voy ce que ne vueil mie.
Ainsi que chassoye aux sangliers Mon cueur chassoit après Dangiers, En la forest de ma pensée; Dont rencontra grant assemblée», Trespassans par divers sentiers.
Deux ou trois saillirent premiers Comme fors, orgui lieux et fiers, ÎX'estoit ce pas chose effrayée?
Ainsi que chassoye aux sangliers Mon cueur chassoit après Dangiers En la forest de ma pensée.
Lors mon cueur lascha sus lévriers, Lesquelz sont nommés Desiriers, Puis Espérance l'asseurée L'espieu ou poing, sainte l'espée, Vint pour combatre voulentiers Ainsi que chassoye aux sangliers.
Sot Éveil, porteur de nouvelles, Où vas- tu? et ne scès pourquoy5 Ne sans prandre congié de moy En la compaignie des belles.
Tu es trop tost acointé d'elles; 11 te vausist mieulx tenir quoy, Sot Eveil, porteur de nouvelles, Ou vas-tu? et ne scès pour quoy.
Se ne changes manières telles Par raison, ainsi que je doy, Chastier te vueil sur ma i'oy ; Contre toy j'ay assez querelles.
Sot Eveil, porteur de nouvelles.
RONDEL Cil.
Mort de moy vous y jouez-vous?
— En quoy. — Es l'aiz de tromperie, Ce n'est que couslume jolie,
Dont Ubg peu ont toutes et tous.
Renversez s'en dessus dessoubz, Est-ce bien fait, je vous en prie?
Mort de moy vous y jouez-vous?
— En quoy. — Es l'aiz de tromperie.
Laissez moy tester vostre pouls, Vous tient point celle maladie; Parlez bas qu'on ne l'oye mie, Il semble que criez aux loups; Mort de moy vous y jouez-vous?
Est-ce vers moy qu'envoyez ce souspir?
M'apport'il point quelque bonne nouvelle;
Soit mal ou bien, pour Dieu! qu'il ne me celle Ce que lui vueil de mon fait enquérir.
Suis-je jugié de vivre ou de mourir?
Soustendra jà Loyaulté ma querelle ; Est-ce vers moy qu'envoyez ce souspir?
M'apport'il point quelque bonne nouvelle ?
Et nuit et jour j'escoute pour ouir S'auray confort de ma peine cruelle :
Pire ne peut estre se non mortelle ; Dictes se riens y a pour m'esjouir, Est-ce vers moy qu'envoyez ce souspir?
M'apellez-vous cela jeu D'eslre tousjours en ennuy ?
Certes je ne voy nully Qui n'en ait plus trop que peu.
Nul ne desnoue ce neu S'il n'a de Fortune apuy ; M'apellez-vous cela jeu D'estre tousjours en ennuy?
On s'art qui est près du feu, Et pour ce je suis cellui Qui a mon povoir le sui, Quant je n'y congnois mon preu, M'apellez-vous cela jeu ?
RONDEL CV. A Ions nous esbatre,
Mon cueur, vous et moy, Laissons à part soy Soussy se combat re.
Tousjours veult débatre Et jamais n'est quoy :
Alons nous esbatre, Mon cueur, vous et moy ;
On vous deuroit batre Et monslrcr au doy, 8e dessoubz sa loy Vous laissiez abatre :
Alons nous esbatre.
Aussi bien laides que belles Contrefont les dangereuses, Et souvent les précieuses :
Hz ont les manières telles.
Pareillement les pucelles Deviennent tantost honteuses :
Aussi bien laides que belles Contrefont les dangereuses.
Les vieilles font les nouvelles En parolles gracieuses Et accointances joyeuses, C'est la condicion d'elles :
Aussi bien laides que belles.
ROXDEL CV1I.
Je vous arreste de main mise.
Mes yeulx, emprisonnez serez; Plus mon cueur ne gouvernerez Désormais, je vous en avise.
Trop avez fait à vostre guise, Par ma foy ! plus ne le ferez :
Je vous arreste de main mise.
Mes yeulx, emprisonnez serez.
On peut bien pour vous corner prise, Prins estes, point n'eschapperez.
Nul remède n'y trouverez; Rien n'yr vault apel ne franchise :
Je vous arreste de main mise.
RONDEL CVJII.
Qui a toutes ses hontes beues 11 ne lui chault que l'en lui die ; Il laisse passer mocquerie Devant ses yeulx, comme les nues.
S'oji le bue parmy les rues, La teste hoche (79) à chière lie; Qui a toutes ses hontes beues 11 ne lui chault que l'en lui die.
Truffes sont vers lui bien venues; Quant gens rient il fault qu'il rie, Rougir on ne le ferait mie, Contenances n'a point perdues.
Qui a toutes ses hontes beues.
En mes pais, quant me trouve à repos, Je m'esbaïs et n'y sçay contenance; Car j'ay apris travail dès mon enfance, Dont Fortune m'a bien chargié le dos.
Oue voulez que vous die à briefz mos, Ainsi m'est-il: ce vient d'acoustumance ; En mes pais, quant me trouve à repos, .Te m'esbaïs et n'y scay contenance.
Tout à part moy en mon penser m'enclos Et fais chasteaulx en Espaigne et en France : Oultre les monts forge mainte ordonnance Chascuii jour j'ay plus de mille propos, En mes pais, quant me trouve à repos.
Repaissez-vous en parler gracieux Avec dames, qui menguent poisson, Vous qui jeusnez par grant dévocion Ce vendredi, ne povez faire mieulx.
Se vous voulez de déesses ou dieux Avoir confort, ou consolacion, Repaissez-vous en parler gracieux Avec dames, qui menguent poisson.
Lire vous voy faiz mérencolieux De Troïlus (80) plains de compassion, D'amour martir fut en sa nascion :
Laissez l'en paix, il n'en est plus de tieulx Repaissez-vous en parler gracieux.
ROXDEL CXI.
' Alez-vous en, alez, alez, Soussi, Soing et Mérencolie, Me cuidez-vous toute ma vie Gouverner, comme fait avez.
Je vous promet que non ferez ; Raison aura sur vous mai strie :
Alez-vous en, alez, alez, Soussi, Soing et Mérencolie.
Se jamais plus vous retournez Avecques vostre compaignie, Je pri à Dieu qu'il vous maudie Et ce par qui vous revendrez :
Alez-vous en, alez, alez.
ROXDEL CXII.
Hau guecte mon ueil, et puis quoy ; Voyez-vous rien? — Ouil assez.
— Qu'est ce cela que vous savez?
— Cler le vous puis monstre r au doy.
Regardez plus avant un g poy, A oz regars ne soient lassez ; Hau guecte mon ueil et puis quoy ; Voyez-vous rien? — Ouil assez.
Acquicté me suis comme doy, Il a jà plusieurs ans passez, Sans avoir mes gaiges cassez ;
— Bien avez servi, sur ma foi, Hau guecte mon ueil et puis quoy.
ROXDEL CXÏ1Ï.
Le voulez-vous que tout vostre deviengne, En me monstrant quelque joyeulx semblant? Dictes ce mot : je vous tiens mon servant, Servez si bien que contente m'en tiengne.
Devoir feray, comment qu'il m'en adviengne, Très loyaument dèsoresenavant :
Le voulez-vous que tout vostre deviengne En me monstrant quelque joyeulx semblant?
Sans que Mercy ne Grâce me soustiengne S'en Loyaulté je faulx ne tant ne quant, Punissez-moy tout à vostre talant, Et se bien sers, pour Dieu! vous en souviengne: Le voulez- vous que tout vostre deviengne.
Que nous en faisons De telles manières , Et doulces et hères Selon les saisons !
En champs ou maisons Par bois et rivières, Que nous en faisons De telles manières !
Ung temps nous- taisons , Tenans assez chières Noz joyeuses chières, Puis nous rapaisons :
Que nous en faisons !
A l'autre huis Souvent m'envoye Espérance ,
Et me tanse Quant en tristesse je suis.
Jours et nuys Se lui demande alégeance;
A l'autre huis Souvent m'envoye Espérance.
Oncques puis Que failli m'a Désirance
De Plaisance, Mon cueur et moy sommes unys
A l'autre huis.
Vendez autre part vostre dueil , Quant est à moy, je n'en ay cure; A grant marché oultre mesure J'en ay assez contre mon vueil.
Jà n'entrera dedens le sueil De mon penser, je le vous jure; Vendez autre part vostre dueil, Quant est à moy, je n'en ay cure.
Desconforte la lerme à l'ueil Ailleurs quière son avanture ; Plus ne vous mène vie dure, Puisque mal vous fait son acueil ; Vendez autre part vostre dueil (81j
Ad ce premier jour de l'année
De cueur, de corps et quanque j'ay
Privéement eslréneray
Ce qui me gïst en ma pensée.
C'est chose que tendray cellée Et que point ne descouvreray, Ad ce premier jour de l'année De cueur, de corps et quanque j'av.
Avant que soit toute passée
L'année, je l'aproucheray ;
Et puis à loisir conteray
L'ennuy qu'ay quant m'est eslongnée
Ad ce premier jour de l'année.
Mais que vostre cueur soit mien Ne doit Je mien estre vostre, Ouil certes, plus que sien.
Que vous en semble, dy-je bien .
Yray comme la patenostre, Mais que vostre cueur soit mien.
Content et joyculx mien tien Foy que doy saint Pol l'apostre:
Je ne désire autre rien, Mais que vostre cueur soit mien.
RONDEt GX1X.
A ce jour de saint Yalentin
Que prendray-je per ou non per?
D'Amours ne quiers rien demander, Piéeà j'eus ma part du butin.
Veu que plus resveille matin ."Ne vueil avoir, mais reposer:
A ce jour de Saint-Yalentin Que prendray-je per ou non per.'
Jeunes gens voisent au hutin Leurs sens ou folie esprouver; Yieulx suis pour à l'escolle aller :
J'entens assez bien mon latin A ce jour de Saint-Yalentin.
Pour Dieu, boutons la hors, Ceste Méreneolie, Qui si fort nous gnerrie Et fait tant de grans tors.
Monslrons-nous les plus fors Mon cueur, je vous en prie :
Pour Dieu, boutons la hors Ceste Mérencolie.
Trop lui avons amors D'estre en sa compaignie.
Ne vous amusons mie A croire ses rappors ; Pour Dieu, boutons la hors.
DP] CHARLES D'ORLÉANS. ' 313
RONDËL CXXI.
Contre le trait de Faulceté Convient harnois de Bonne-espreuve, Artillerie, forge neufve Cliascnn jour ou soutiveté.
A Jeshus! benedieite, Nul n'est qui seurement se trouve Contre le trait de Faulceté, Convient harnois de Bonne -espreuve.
Au derrain, fera Loyaulté Faulceté de son penser veufve, Pour raison fault que Dieu s'esmeuve Monstrant sa puissance et bonté, Contre le trait de Faulceté.
Acquictez vostre conscience Et gardez aussi vostre honneur, Ne laissez mourir en douleur Ce qui avoir vostre aide pense.
Puisque avez le povoir, en ce, De l'aider par grâce et doulceur, Acquictez vostre conscience Et gardez aussi vostre honneur.
On criera sur vous vengence, Se souffrez murdrir en rigueur Ainsi, à tort, un poure cueur Assez porté (de) pascience :
Acquictez vostre conscience.
Le truchemen de ma pensée Qui est venu devers mon cueur, De par Réconfort son seigneur, Lui a une lettre apportée.
Puis a sa créance contée En langaige plain de doulceur, Le truchemen de ma pensée, Qui est venu devers mon cueur.
Response ne lui est donnée Pour le présent, c'est le meilleur; Il aura par conseil greigneur Son ambaxade despeschée, Le truchemen de ma pensée.
Quant t'es courroucé d'autre chose, Cueur, mieulx te vault en paix laisser, Car s'on te vient à raisonner ïost y trouves d'estranges gloses.
De ton desplaisir monstrer n'oses A aucun, pour te conforter, Quant t'es courroucé d'aultre chose, Cueur, mieulx te vault en paix laisser.
De tes lèvres les portes closes Penses de saigement garder, Que dehors n'esehappe parler Qui descouvre le pot aux roses, Quant t'es courroucé d'autre chose.
Le truchemen de ma pensée Qui parle maint divers langaige, M'a rapporté chose sauvaige Que je n'ay point acoustumée.
En francois la m'a translatée, Gomme très souffisant et saige, Le truchemen de ma pensée Qui parle maint divers langaige.
Quant mon cueur l'a bien escoutée 11 lui a dit : « Vous faictes raige; » — « Oncques mais n'ouy tel messaige.
Venez-vous d'estrange contrée, Le truchemen de ma pensée? (82) »
RONDEL CXXVÏ.
Gomme le subgiet de Fortune Que j'ay esté en ma jeunesse, Encores le suis en vieillesse ; Vers môy la trouve tousjours une.
Je suis ung de ceulx, soubz la lune, Qu'elle plus à son vouloir dresse, Gomme le subgiet de Fortune Que j'ay esté en ma jeunesse.
Ce ne m'est que chose commune : Obéir fault à ma maistresse, Sans machier, soit joye ou tristesse, Avaler me fault ceste prune, Comme le subgiet de Fortune.
Ce qui m'entre par une oreille Par l'autre sault comme est venu Quant d'y penser n'y suis tenu :
Ainsi Raison le me conseille.
Se j'oy dire vécy merveille :
L'un est long l'autre court vestu; Ce qui m'entre par une oreille Par l'autre sault comme est venu.
Mais pairie pert et se travaille Qui devant moy trayne ung festu; Comme ung chat suis vieil et chenu ; Légièrement pas ne m'esveille Ce qui m'entre par une oreille;
RONDEL CXXVIIL
Quelque chose derrière , Convient tousjours garder; On ne peut pas monstrer Sa voulenté entière.
Quant on est en frontière De dangereux parler, Quelque chose derrière Convient tousjour garder.
Se pensée legière Veult mots trop despensier Raison doit espargnier Comme trésorière Quelque chose derrière.
RONDËL CXXÏX S3 .
Quant oyez prescher le regnart, Pensez de voz oyes garder, Sans à son parler regarder:
Car souvent scet servir de l'art.
Contrefaisant le papelart Qui scet ses parolles farder :
(^uant oyez prescher le régna ri Pensez de voz oyes garder.
Les faiz de Dieu je melz à pari Ne je ne les vueil relarder.
Ne contre le monde darder; Chascun garde son estandart Quant oyez prescher le regnart [82).
Las! le faut-il? est-ce ton vueil Fortune, qu'ave douleur mainte?
De l'ueil me soubzris, mais c'est fainte Et soubz décepte Doulx-accueil.
Fay-je tort quant reçoy tel dueil, S'ainsi je dy en ma complainte, Las! le fault-il, est ce ton vueil, Fortune, qu'aye douleur mainte?
Que moy puis en mon sercueil Me boute, c'est chose contrainte, Lois n'y aura Dieu, saint ne sainclc, Qui n'apparcoive ton orgueil ; Las! le fault-il, est-ce ton vueil?
•il S LES POÉSIES
As-tu, ce jour, ma mort jurée ?
Soussy, je te pri, tien te quoy, Car à tort ma douleur par toy Est trop souvent renouvellée.
A belle enseigne desplovée Me court sus, et ne scay pourquoy :
As-tu ce jour ma mort jurée ?
Soussy, je te pri, tien te quoy.
La guerre sera lost nuée Se tu veulx de toy et de moy ; Car je me rens, or me reçoy, Hola ! paix, puisqu'elle est criée:
As-tu ce jour ma mort jurée ?
Ne fais-je bien ma besoingne ?
Quant mon fait cuide avancer Je suis à recommancer, Et ne scay comment m'esloigne.
Fortune, tousjours me groingne Et ne fait riens que tanser :
Ne fais-je bien ma besoingne Quant mon fait cuide avancer?
Certes tant je la ressoingne,
Car mon temps me fait despenser,
Trop en ennuyeux penser,
Dont en roingeant mon frain froingne.
Ne fais-je bien ma besoingne?
DE CHARLES D'ORLÉANS. 3l9
RONDEL CXXX1IÏ.
Quant commenceray à voler Et sur elles me sentiray, En si grant aise je feray Que j'ay doubte de m'essorer.
Beau crier aura et lévrier Chemin de plaisant vent tendray, Quant commenceray à voler Et sur elles me sentiray.
La mue m'a fallu garder, Par le long temps, plus le feray, Puisque doulx temps et cler verra On le me devra pardonner, Quant commenceray à voler.
*av
Je ne bains pour autre avoine Que m'en retourner à Blois ; Trouvé me suis, pour une fois, Assez longuement en Touraine.
J'ay gale à largesse plaine 3Ies grans poissons et vins des grois : Je ne hains pour autre avoine Que de m'en retourner à Blois.
A la court plus ne prendray paine Pour généraulx et JYIillenois, Confesser à présent m'en vois Contre la pcneuse sepmaine, Je ne hains pour autre avoine.
Je cougnois assez telz débas Que l'ueil et le cueur ont entre eulx. L'un dit : nous serons amoureux.
L'autre dit : je ne le vueil pas.
Raison s'en rit, disant tout bas :
Escoutez-moy ces maleureux.
Je cougnois assez telz débas
Que l'ueil et le cueur ont entre eulx.
Lors m'en vois plus tost que le pas Et les tanse si bien tous deux Que je les laisse très honteux, Maintesfoiz ainsi me combas ; Je conenois assez telz débas.
RONDEL CXXXVL
Que pense-je, dictes le moy , A ! devinez , je vous en prie , Autrement ne le saurez mie, Il y a bien raison pourquoy.
A parler à la bonne foy, Je vous en lais juge et partie ; Que pense-je, dictes -le moy, A ! devinez, je \ous en prie.
Vous ne saurez, comme je croy , Car heure ne suis, ne demye, Qu'en diverse mérencolie Devisez; je me tairay quoy :
Que pense-je, dictes-le inoy.
DE CHARLES D'ORLÉANS. 32ï
Cueur, que fais-tu ? revenge- toy
De Soussy et Mérencolie; C'est déshonneur et villennie De lasehement se tenir coy.
Je lardera y quant est à moy Voulentiers; or ne te fains mie; Cueur, que fais-tu? revenge-toy De Soussy et Mérencolie.
N'espargne riens, scez-tu pourquoy ?
Pour ce qu'abrégeras ta vie Se les tiens en ta compagnie.
Deseonnz-les, et prens leur foy Cueur, que fais-tu? revenge-toy..
RONDEL CXXXVUI.
Plaindre ne s'en doit loyal cueur S'Amours a servy longuement , Recevent des biens largement Et pareillement de Douleur.
W est-ce raison que le seigneur Ail tout à son (85] commandement ?
Plaindre ne s'en doit loyal cueur S'Amours a servy longuement.
31 é plus a desservi Doulceur Que ne trouve à son jugement, En gré prengne pour payement Mains de prouftt et plus d'honneur :
Plaindre ne s'en doit lovai cueur.
RONDËL CXXX1X.
Par les portes des yeulx et des oreilles Que chascun doit bien saigement garder, • Plaisir-mondain va et vient sans cesser Et raporte de diverses merveilles.
Pour ce, mon cueur, s'a raison te conseilles Ne le laisse point devers toy entrer, Par les portes des yeulx et des oreilles Que chascun doit bien saigement garder.
A celle fin que par lui ne t'esveilles. Y eu qu'il te fault désormais reposer.
Dy lui : va-t-en ; sans jamais retourner Ne revien plus, car en vain te Ira veilles,
Par les portes des yeulx et des oreilles.
ROXDEE CXL.
En faictes-vous doubte ?
Point ne le devez.
Yeu que vous savez Ma pensée toute.
Quant mon cueur s'i boute Et vostre l'avez, En faictes-vous doubte ?
Point ne le devez.
Dangier nous escoute.
Sus, tost achevez,
Ma foy recevez,
Jà ne fera route
Eu faictes-vous doubte?
KONDEL CXLÎ
A qui les veut-on, Ces guemes dorées?
Sont-ilz acheetées De nouvel où non.
Par prest ou par don En fait-on livrées :
A qui les vent-on Ces guemes dorées.
Alant au pardon Je les ay trouvées, De telles denrées Ce petit guei'don :
A qui les vent-on ?
ROXDEL CXLII.
En laietes-vous double Que vostre ne soye ?
Ce Dieu me doint joye Au coeur, si suis toute.
Bien ne m'en déboule Pour chose que j'oye :
En laictes-vous doubte Que vostre ne soye ?
Dangïer et sa route S'en voisent leur voye, Sans que plus les voye ; Tousjours il m'escoute, En laictes-vous double.
A qui vendez-vous voz coquilles Entre vous, amans pèlerins?
Vous cuidez bien par voz engins A tuus perluis trouver chevilles.
Sont ce coups d'esteufz ou de billes Que ferez tesmoing voz voisins :
A qui vendez-vous voz coquilles Entre vous, amans pèlerins?
On congnoist tous voz tours d'estrillcs Et bien clèrement voz latins, Trotez, reprenez voz patins, Et troussez voz sacs et voz quilles :
A qui vendez-vous voz coquilles?
Avez-vous dit : laissez me dire, Amans, qui. devisez d'amours.
Sainte- Marie, que de jours J'ay despenduz en ce martire.
Vous mocquez-vous? je vous voy rire, Cuidez-vous qu'il soit le rebours ; Avez-vous dit : laissez me dire, Amans, qui devisez d'amours.,
Parler n'en puis que ne souppire, Raconter-vous y sçay cent tours Qu'on y a sans joyeulx secours ; S'au vray m'en voulez ouir lire Avez-vous dit : laissez me dire.
DE CHARLES D'ORLÉANS. 32é
Envoyez-nous (86) ung doulx regart Qui nous conduie jusques à Blois; Nous le vous rendrons quelque fois Quoy que l'atente nous soit tart.
Puis qu'en emportez l'estandart De la doiilceur que bien congnois, Envoyez-nous ung doulx regart Qui nous conduie jusques à Blois.
Et pry (87) Dieu que toutes vous gart Et vous doint bons jours, ans et mois, A voz désirs, vouloirs et chois :
Acquictez-vous de vostre part, Envoyez-nous ung doulx regart
Pour ce qu'on jouxte à la quintaine A Orléans, je tire à Blois; Je me sens foulé du harnois Et veulx reprendre mon alaine.
Raisonnable cause m'y maine, Excusé soye cesle fois ; Pour ce qu'on jouxte à la quintaine A Orléans, je tire à Blois.
Je vous promet que c'est grant paine De tant faire, baillé lui bois, Eslongner quelque part du mois Yault mieulx pour avoir teste saine, Pour ce qu'on jouxte à la quintaine.
RONDEL CXLVI1 (8s\
En la forest de longue attente Par vent de Fortune dolente Tant y voy abatu de bois Que, sur ma foy, je n'y congnois, Aprésent, ne voye ne sente.
Pieçà y pris joyeuse rente, Jeunesse la payoit contente; Or n'y ay qui vaille une nois :
En la forest de longue attente Par vent de Fortune dolente, Tant y voy abatu de bois.
Vieillesse dit, qui me tourmente, Pour toy n'y a pesson ne vente, Comme tu as eu autresloiz ; Passez sont tes jours, ans et mois, Soufnze-toy et te contente En la forest de longue attente.
RONDEL CXLYIIÏ.
Des arrérages de Plaisance Dont trop endebté m'est Espoir, Se quelque part j'en peusse avoir.
Du surplus donnasse quittance.
Mais au pois et à la balanc JN'en puis que bien peu recevoir, Des arrérages de Plaisance Dont trop endebté m'est Espoir.
Usure ou perle de chevance
Mectroye tout à nonchaloir, Se je savoye, à mon vouloir, Recouvrer prestement nuance Des arrérages de Plaisance.
Rescouez ces deux poures yeulx Qui tant ont nagé en plaisance, Qui se nayent sans recouvrance, Je les tiens mors ou presque tieulx.
Vides-les tost, se vous aist Dieux En la sentine d'Alégence ; Rescouez ces deux poures yeulx Qui tant ont nagé en plaisance.
Courez-y tous, jeunes et vieuk, Et a cros de bonne Espérance De le tirer hors qu'on s'avance ; Chascun y face qui mieulx mieulx :
Rescouez ces deux poures yeulx.
A reconimancer de plus belle J'en voy jà les adjournemens, Que l'ont vers vieulx et jeunes gens Amours en la saison nouvelle.
Chascun d'eulx, aussi bien lui qu'elle, Sont tous aprestés sur les rens A recommancer de plus belle; J'en \o\ jà les adjournemens.
Gomme toute la chose est telle, Je congnois telz esbatemens Assez de piéçà m'y entens :
Ce n'est que ancienne querelle A recommancer de plus belle.
En la forest de longue attente Forvoyé de joyeuse sente Par la guide Dure- rigueur, A esté robbé vostre cueur, Comme j' entens : dont se lamente.
Par Dieu ! j'en congnois plus de trente Qui chascun d'eulx, sans que s'en vente, Est vestu de vostre couleur :
En la forest de longue attente Forvoyé de joyeuse sente Par la guide Dure-rigueur.
Et en briefz motz, sans que vous mente, Soiez seur que je me contente, Pour allégier vostre douleur, De traictier avec le seigneur Qui les brigans soustient et hante En la forest de longue attente.
Ainsi doint Dieux à mon cueur joye En ce que souhaidier vouldroye, Et à mon penser- réconfort
Gomme voulentiers prisse accort A Soussy, qui tant me guerroyé.
Mais remède n'y trouveroye ; Et qui pis est, je n'oseroye Descouvrir les maulx qu'ay à tort.
Ainsi doint Dieux à mon cueur joye, En ce que souhaidier vouldroye, Et à mon penser reconfort.
Quant je lui dy : Dieu te convoyé !
Lesse m'en paix, va-t-en ta voye Par ton enchantement et sort Guères mieulx ne vault vif que mort ; Je languis quelque part que soye :
Ainsi doint Dieux à mon cueur joye.
