DE ENVIE

Cil qui vueult bonté ensuiei Il doit envie moult fuir, Car Alain si nous enseigne Que tout ainsi que la montaigne Qui estEthna appellée Est tousj'ours de feu embrasée.

Ainsi l'envieux tousjours art Du feu d'envie de toute part ; Pour ce appert que desplaisant Est a Dieu et moult ennuiant.

DU PËCHIË DE GLOUTONME.

Par gloutonnie tout péchié S'en suit et toute mauvaistie Et pour ce un ehaseun fuir La doit et non pas ensuir.

Mais regarder on doit souvent De Godeffroy l'enseignement Par lequel il vitupère Les gloos gloutons et les aconapèn A l'ours, au chien et a la truie ; Pour ce appert que gloutonnie Est un péchie que on doit fuir, Car mauvaistie fait ensuir

Et en pert-on sens et mémoire, Aussi la souverainne gloire.

DU PÉCH1Ë D'IRE.

Pour ensuir tousjours mes dix D'ire vueil parler et si diz Qu'un chascun qui du péehié d'ire Est plain ne peut faire ne dire Aucun bien à lui pourfitant, Tant est ce péehié empeschant.

Et Alain en son livre dit :

Que ainsi comme jour et nuyt Les rivières aussi les ilues Par les rives sont tenues, Ainsi attrempance si tient L'ire des gens quant elle vient,

DE PÉRESSE.

Chascun doit fuir péresse Tant qu'il peut en sa jeunesse, .

Car c'est chose très mal séant Maiement a un jeune eii'ant ; Et par Alain est démontré Car tout ainsi que en esté Le formy fait la garnison Pour vivre toute la saison.

Ainsi chascun doit entendre Retenir et aussi ap rendre Aucun bien dès sa jeunesse, Car on ne peut en viellesse Aprendre : car l'engin du vieux Est troublé par tous les lieux Du corps, à l'exemple du chien, Lequel on ne peut duire bien A mener tousjours en lesse, S'il n'y est aprins en jeunesse

Cy define maintenant Ce livre, lequel Dieu donnant Je nommé d'Orléans

Fiz quant je eus acompli x ans ; Pour ce mercie humblement Celui qui fist le firmament De ce qu'il m'a voulu aidier A ce livret cy composer ; Et la vierge débonnaire Qui demeure lassus en gloire, En priant tous ceulz qui orront, Que ce livret présent liront, Qu'iiz vueillent prendre tous en gré Ce que j'ay ycy raconté, Et me pardonnent, Je leur pry, En ce-cy se j'ay point failly ; Car je n'estoie pas si saige Pour ce qu'estoie jeune d'âge Que je peusse faire traitté Qui fust de grant moralité, Et prie Dieu de paradiz Que pourflter puissent mes diz A ceulx qui vouldront escouter, Et qu'iiz puissent meurs acquester Et a la gloire parvenir Qui durra tousjours sanz faillir.

Amen. Explicit.

FRAGMENT D'UN JEU-PARTIS, PAR Ch. D'ORLÉANS.

Il est bien vray que j'ay servy De cuer, de corps, très léalment Une dame que j'aime sy ; Plus n'en diray quant à présent.

Mais aucuns si m'en vont blasmant Disant que plus seroie eureux Se de beaucoup feusse amoureux;

Mais par mon sereinent je lien Que ce n'est pas très bon conseulx, Car il n'en peut venir nul bien.

Par Dieu, je suis bien esbahy !

Comment tel manière de gent Sont devant bonnes gens oy, Quant vont amours si desprisant De muer leur foy si souvent Après puis une puis deux :

Tel conseil est bien dangereux A donner ; mais créez le mien Ne crées l'autre gracieux :

Car il n'en peut venir nul bien.

Prenez vostre cuer a l'autruy,

Je vous en pri très chierement ;

Se vostre Dame par ennuy

En prenoit ung, ou trente, ou cent,

L'ameries-vous ? Trop meschant

Vous tendroie s'estiez teulx;

Je n'en tiens nul si fol perileux

Qui de ce faire face rien

Nul ne croye ses faulx jengleurs,

Car il n'en peut venir nul bien.

Si n'ay pas tort, dont se je dy, Que ceulx qui vont toutes priant Sont de bonnes, loyaulx, hay, Et pour ce tout vray cuer donnant, Doit bien estre considérant Qu'il ne veuille point croire ceulx Qui d'autruy bien sont envieux, Car s'il les croient point ne crient Qu'au derrain n'en soient honteux :

Car il n'en peut venir nul bien.

Et pour ce, de bon cuer vous pri

Chambrillac, Regnault, humblement Que ne soutenés point cecy Qu'aves soustenu ça devant, Car grans maulx de cela despent ; k L'en en est tenu convoiteux

Et haïs en beaucoup de lieux ; Ne n'est pas gracieux maintien Ne le faictes plus, cest lai, gueu\ :

Car il n'en peut venir nul bien.