CHANSON XIII

Belle, se c'est vostre plaisir

De me vouloir tant enrichier

De reconfort et de liesse;

Je vous requier, comme maistresse,

Ne me laissiez du tout mourir.

Car je n'ay vouloir ne désir Fors de vous loyaument servir, Sans espargnier dueil ne tristesse.

Belle, se c'est vostre plaisir De me vouloir tant enrichier De reconfort et de liesse.

Et s'il vous plaist à l'acomplir, Yueilliez tant seulement bannir D'avec vostre doulce jeunesse Dolent-refus, qui trop me blesse , Dont bien me povez guérir, Belle se c'est vostre plaisir.