CHANSON XIV

Rafreschissez le chastel de mon cueur D'aucuns vivres de joieuse plaisance, Car Fauh-dangier, avecques son aliance, L'a assiégié en tour de douleur.

Se ne voulez le siège sans longueur Tantost lever, ou rompre par puissance ; Rafreschissez le chastel de mon cueur D'aucuns vivres de joieuse plaisance.

Ne souffrez pas que Dangier soit seigneur, En conquestant soubz son obéissance Ce que tenez en vostre gouvernance.

Avancez-vous et gardez vostre honneur :

Rafreschissez le chastel de mon cueur.