‹ Les poésies du duc Charles D'Orléans, pub. sur le manuscrit de la bibliothèque de Grenoble conféré avec ceux de Paris et de LondresChapitre 27 sur 250 · CHANSON XV · texte numérisé non relu

CHANSON XV

Se ma douleur vous savies, Mon seul joyeux pensement, Je sçay bien certainement Que mercy de moy auries.

Du tout refus banniries Qui me tient en ce tourment, Se ma douleur vous savies Mon seul joieux pensement.

Et le don me donneries Que vous ay requis souvent, Pour avoir alégement :

Ja ne m'en escondiries, Se ma douleur vous savies.

Page 1