CHANSON XIX

Madame, tant qu'il vous plaira De me faire mal endurer, Mon cueur est prest de le porter, Jamais ne le refusera.

En espérant qu'il guérira, En cest estât veult demourer, Madame, tant qu'il vous plaira De me faire mal endurer.

Une fois pitié vous prendra, Quant seulement vouldrez penser Que c'est pour loyaument amer Vostre beauté, qu'il servira, Madame, tant qu'il vous plaira.