CHANSON XX

De la regarder vous gardez, La belle que sers ligement; Car vous perdez soudainement Yoslre cueur, se la regardez.

Se donner ne le luy voulez, Clignez les yeulx hastivement ; De la regarder vous gardez La belle que sers ligement.

Les biens que Dieu luy a donnez Emblent un cueur soubtilement; Sur ce, prenez avisement, Quant devant elle vous vendrez :

De la regarder vous gardez.

CHANSON XXL

Puisque je ne puis eschapper

De vous, Courrous, Dueil et Tristesse ,

Il me convient suir l'adresse

Telle que me vouldrez donner.

Povoir n'ay pas de l'amender,

Car Doleur est de moy maistresse ;

Puisque je ne puis eschapper

De vous, Courrous, Dueil et Tristesse.

Si manderay par un penser

A mon las cueur, vuid de liesse,

Quil prangne en gré sa grant destresse :

Car il luy fault tout endurer,

Puisque je ne puis eschapper.

bE CHARLES D'ORLÉANS.