CHANSON XXIV

Pour les grans biens de vostre renommée, Dont j'oy parler à vostre grant houneur, Je désire que vous aiez mon cueur, Comme de moy très loyaument amée.

Tresorière je vous voy ordonnée A le garder en plaisance et doulceur; Pour les grans biens de vostre renommée, Dont j'oy parler à vostre grant houneur.

Recevez-le, s'il vous plaist et agrée;

De mien ne puis vous donner don meillieur :

C'est mon vaillant, c'est mon trésor greigneur,

A vous l'offre de loyale pensée,

Pour les grans biens de vostre renommée.