RONDEL III

Se mon propos vient à contraire, Certes je l'ay bien desservy :

Car je congnois que j'ay failly Envers ce que devoye plaire.

Mais j'espoire que débonnaire Trouveray sa grâce et mercy.

Se mon propos vient à contraire, Certes je l'ay bien desservy.

Je vueil endurer et me taire, Quant cause suy de mon soussy :

Las ! je me sens en tel party, Que je ne sçay que pourray faire Se mou propos vient à contraire.

Par le pourchas du regard de mes yeulx, En vous servant, ma très belle maistresse, J'ay essayé qu'est plaisir et tristesse : Dont j'ay trouvé maint penser envieux.

Mais de celluy que j'amoye le mieulx N'ay peu avoir qu'a petite largesse, Par le pourchas du regard de mes yeulx, En vous servant, ma très belle maistresse.

Car pour un jour qui m'a esté joyeux, J'ay eu trois mois la fièvre de destrese; Mais Bon-espoir ma guéri de liesse, Qui m'a promis de ses biens gracieux, Par le pourchas du regard de mes yeulx.