RONDEL VIII

Bien vieogne doulx regard qiu rit;

Quelque bonne nouvelle porte.

Dont Dangier fort se desconforle Et de corrous en douleur frit.

Ne peut chaloir de son despit Ne de ceulx qui sont de sa sorte ; Bien viengne doulx regard qui rit; Quelque bonne nouvelle porte.

Dangier dit : « Baille par escript Et qu'il n'entre point en la porte; »

Mais Amour, comme la plus forte, Veult qu'il entre sans contredit :

Bien viengne doulx regard qui rit.

Mes yeulx trop sont bien réclamez Quant madame si les appelle ; Leur monstrant sa grant beauté belle, Il reviennent comme afamez.

Maugré Mesdisans peu amez, Et Dangier qui tient leur querelle.

Mes yeulx trop sont bien réclamez Quant madame si les appelle.

Estre devroyent diffamez

S'il ne voloyent de bonne elle

Vers les grans biens qui sont en elle.

De ce ne seront ja blasmez :

Mes yeulx trop sont byen reclamez.

Que faut -il plus à ung cueur amoureux Quant assiégé l'a Dangierjie tristesse, Qu'avitailler tantost sa forteresse D'assez vivres de Bon-espoir cureux ?

Cappitaine face désir songneux,

Qui nuit et jour fera guet sans peresse,

Que fault-il plus à ung cueur amoureux ?

Artillié soit d'avis avantureux, Coulevrines et canons à largesse, Prestz assortiz et chargiez de sagesse.

Es boulevers et lieux avantageux :

Que fault-il plus à mon cueur amoureux,