COMPLAINTE I

Ma seule dame et ma maistresse, Où gist de tout mon bien l'espoir.

Et sans qui plaisir ni liesse Ne me peuvent en riens valoir!

Pleust à Dieu que peussiez sçavoir Le mal, l'ennuy et le courrons Qu'a toute heure me fault avoir, Pourceque je suis loings de vous!

Helas! or ay-je souvenance Que je vous vy derrainemeni A si très joyeuse plaisance, Qu'il me sembloit certainement Que jamais ennieux (5) tourment Ne devoit près de moy venir ;

Mais je trouvay bien autrement Quant me fallu de vous partir.

Car quant ce vint au congié prendre, Je ne scavoye, pour le mieulx, Auquel me valoit plus entendre, Ou à mon cueur ou à mes yeulx :

Car je trouvay, ainsi m'aist dieux!

Mon cueur courroucié si très fort, Qu'oncques ne le vy en nulz lieux Si eslongnié de reconfort.

Et, d'aultre part, mes yeulx estaient En un tel vouloir de pleurer, Qu'a paine tenir s'en povoyent, Vilz n'osoient riens regarder:

Car, par un seul semblant monstrer En riens d'en estre desplaisans, C'eust esté pour faire parler Les jaloux et les mesdisans.

Et de la grant paour que j'avoye Que leur deuil si ne feust congneu, Auquel entendre ne scavoye Oncques si esbahy ne fu, Si dolent, ne si esperdu :

Car, par Dieu, jeusse mieulx amé, Avant que l'en l'eust apperçu, N'avoir jamais jour esté né.

Car se par ma folle manière J'eusse monstre, ou par semblant Venant de voulenté legière, L'amour dont je vous aime tant, Par quoy eussiez eu tant ne quant De blasme ne de deshonneur :

Je scay bien que tout mon vivant Je t'eusse langui en doleur.

En ce point et encore pire, Alors de vous je me party ; Sans avoir loisir de vous dire Les maulx dont j'estoye party.

Toutesfois, belle, je vous dy Qu'il vous pleust de vouloir penser Que je vous avoye servy Et serviroye sans cesser

Tant comme dureroit ma vie.

Et quant de mort seroye pris,

De m'ame seriez servie ;

Priant pour vous en paradis,

S'il en estoit en son devis,

Et mes biens, mon cueur et mon corps

Je le vous ay du tout soubzmis,

Mais ça esté de leurs accors.

Car il n'est nulle que je clame, Ne qui se puist nommer de vray Ma seulle souveraine dame, Fors que vous à qui me donna y Le premier jour que regarday Yostre belle plaisant beauté ; De qui vray serviteur mourray, En gardant toujours loyauté.

Or, vueilliez donc avoir pensée, Puisque lors j'avoye tel dueil, Belle, très loyaument amée, Qu'encore plus grant le recueil, Maintenant que contre mon vueil Me fault estre de vous loingtains ,

DE CHARLES D'ORLÉANS. m

Et que veoir ne puis à l'ueil

Yoz belles, blanches, doulces mains.

Et vostre beauté nompareille Que veoye, si voulentiers, Plaine de douleeur à merveille ; Dont tous voz faiz sont si entiers Qu'ilz ont esté les messagiers De me tollir et près et loing Mes vouloirs et mes desiriers ; Ainsi m'aist Dieu à mon besoing.

Si vous suppli, très bonne et belle, Qu'ayez souvenance de moy ; Car à tousiours vous serez celle Que serviray comme je doy. Je le vous prometz, par ma foy, Du tout à vous me suis donné.

Se Dieu plaist, je feray ; pourquoy J'en seray très bien guerdonné.