BALLADE XXII

Loué soit celluy qui trouva Premier la manière d'escrire î En ce grant confort ordonna Pour amans si sont en martire :

Car quant ne pevent aler dire A leurs dames leur grief tourment.

Ce leur est moult d'aligement Quant par escrit pevent mander Les maulx qu'ilz portent humblement Pour bien et loyaument amer.

Quant un amoureux escrira Son dueil, qui trop le tient de rire, Au plus tost qu'envoyé l'aura A celle qui est son seul mire.

S'il lui plaist à la lettre lire Elle peut voir clérement Son doloreux gouvernement ; Et lors Pitié lui scet monstrer Qu'il dessert bon guerdounement Pour bien et lovaument amer.

Par mon cueur, je congnois pieça Ce mestier ; car quant il souspire.

Jamais rapaisé ne sera Tant qu'il ait envoyé de tire Vers la belle que tant désire :

Et puis, s'il peut aucunement Oï nouvelles seulement De sa doulce beauté sans per, Il oublie l'ennuy qu'il sent Pour bien et loyaument amer.

Madame, Dieu doint que briefmen) Vous puisse de bouche compter Ce que j'ay souffert longuement Pour bien et loyaument amer.