BALLADE XX

Jeune, gente, plaisant et débonnaire, Par ung prier qui vault commandement, Chargié m'avez d'une balade faire.

Si l'ay faicte de cueur joyeusement :

Or la vueilliez recevoir doulcement, Vous y verres, s'il vous plaist à la lyre, Le mal que j'ay, combien que vrayement J'aymasse mieulx de bouche le vous dire.

Vostre doulceur m'a sceu si bien attraire, Que tout vostre je suis entièrement, Très désirant de vous servir et plaire. Mais je souffre maint doloreux tourment, Quant à mon gré je ne vous voy souvent Et me desplait quant me fault vous escrire :

Car se faire se povoit autrement J'aymasse mieulx de bouche le vous dire.

C'est par Dangier, mon cruel adversaire, Qui m'a tenu en ses mains longuement, En tous mes faiz je le trouve contraire ; Et plus se rit quant plus me voit dolent. Se vouloye raconter plainement En cest escript mon ennuieux martire, Trop long seroit : pour ce certainement J'aymasse mieulx de bouche le vous dire.

BALLADE XXL

Quant je party derrainnemenl

De ma souveraine sans per,

Que Dieu gard et lui doint brieiment

Joye de son loyal penser!

Mon cueur lui laissay emporter ;

Oncques puis ne le peuz ravoir :

Si m'esmerveille main et soir,

Comment j'ay vesqu tant de jours

Depuis sans cueur; mais pour tout voi

Ce n'est que miracle d'Amours.

Qui est cellui qui longuement Peut vivre sans cueur, ou durer Comme j'ay fait en grief tourment?

Certes nul, je m'en puis vanter; Mais Amours ont voulu monstrer En ce leur gracieux povoir, Pour donner aux amans vouloir D'eulx fier en leurs doulx secours :

Car bien pevent appercevoir, Ce n'est que miracle d'amours.

Quant Pitié vit que franchement Voulu mon cueur abandonner.

Envers madame tellement Traicta, que lui nst me laisser Son cueur, me chargeant le garder :

Dont j'ay fait mon loyal devoir, Maugré Dangier, qui recevoir 3I'a fait chascuns jours de telz tours. Que sans mort en ce point manoir Ce n'est que miracle d'amours.