BALLADE XXIV

Loyal-espoir trop je vous voy dormir:

Resveilliez-vous et Joyeuse-pensée.

Et envoyez un plaisant souvenir Devers mon cueur, de la plus belle née Dont aujourd'uy coure la renommée :

Vous ferez bien d'un peu le resjoïr, Tristesse s'est avecques luy logée : Ne luy vueilliez à son besoing faillir.

Car Dangier la desrobé de plaisir, Et, qui pis est, a de luy eslongnée Celle qui plus le povoit enrichir; C'est sa dame très loyaument améc.

Oncques cueur n'eut si dure destinée.

Pour Dieu! Espoir, venez le secourir; Il a en vous sa fiance fermée, Ne luv vueilliez à son besoing faillir.

Par pouerté lui fault son pain quérir A Fuis d'Amours, par chascune journée ; Or lui vueilliez l'aumosne départir De Liesse, que tant a désirée.

Avanciez-vous sans faire demourée, Pensez de lui, vous savez son désir:

Par vous lui soit quelque grâce donnée : Ne lui vueilliez à son besoing faillir.

Seulle sans per, de toutes gens louée

Et de tous biens entièrement douée,

Mon cueur ces maulx seuffre pour vous servir.

Sa loyauté vous soit recommandée,

Ne lui vueilliez à son besoing faillir.