BALLADE XXV

Mon cueur, au derrain, entrera Où paradis des amoureux ; Autrement, tort fait lui sera :

Car il a de maulx doloreux Plus d'un cent, non pas un on deux, Pour servir sa belle maistresse ; Et le tient Dangier le crueux Où purgatoire de Tristesse.

Ainsi l'a tenu longtemps a Ce faulx, traistre, vilain, hydeux.

Espoir dit que hors le mettra, Et que n'en soie jà doubteux ; Mais trop y met, dont je me deulx ; Dieu doint qu'il tiengne sa promesse !

Vers lui tant est angoisseux Où purgatoire de Tristesse.

Amour grant aumosne fera, En ce fait-cy d'estre piteux ; Et bon exemple monstrera A toutes celles et à ceulx Qui le servent, quant désireux Le verront, par sa grant humblesse, D'aidier ce poure soufreteux Où purgatoire de Tristesse.

Amour, faictes-moy si eureux Que mettez mon cueur en liesse ; Laissiez Dangier et Dueil tous seulv Où purgatoire de Tristesse.