BALLADE XX VI

Mon cueur a envoyé quérir Tous ses bien-vueillans et amis ; Il veult son grant conseil tenir Avec eulx, pour avoir advis Comment pourra ses ennemis, Soussy, Dueil et leur aliance, Surmonter et tout desconnre , Qui désirent de le destruire En la prison de Desplaisance.

En désert ont mis son plaisir, Et joye tenue en pastis ; Mais Confort lui a , sans faillir, De nouvel loyaument promis Qu'ilz seront desfaiz et bannis ; De ce se fait fort Espérance, Et plus avant que n'ose dire ; C'est ce qui estaint son martire En la prison de Desplaisance.

Briefment voye le temps venir, J'en prie à Dieu de paradis, Que chascun puist vers son désir Aler, sans avoir saufzconduis.

Adonc Amour et ses nourris Auront de Dangier moins doubtanGe ; Et lors sentiray mon cueur rire, Qui aprésent souvent souspire En la prison de Desplaisance.

Pour ce que véoir ne vous puis , Mon cueur se complaint jours et nuis, Belle, nompareille de France, El m'a chargié de vous escrire Qu'il n'a pas tout ce qu'il désire En la prison de Desplaisance